Kezdesý barysynda Qazaqstan men Tájikstan temirjol ákimshilikteri arasyndaǵy ekijaqty yntymaqtastyq máseleleri talqylandy.
Aǵymdaǵy jylǵy ákimshiliktermen birlese júrgizgen jumys aǵymdaǵy 10 aida tasymaldyń oń qarqynyna jetýge múmkindik bergendigi atap kórsetildi.
Atap aitqanda, 2018 jyldyń sáikes kezeńimen salystyrǵanda konteinerlik júk tasymalynyń ósimi 57%-dy quraǵan.
Taraptar Qazaqstan men Tájikstan temir joldarynyń qatysýymen júk tasymaly kólemin ary qarai da artyrý, sondai-aq 2020 jyly eki el aýmaǵy boiynsha júk tasymalyna kelisilgen tariftik saiasat júrgizý boiynsha jumysty jalǵastyrýǵa nietterin bildirdi.
Qazaqstan men Tájikstan arasyndaǵy temirjol kóligi tasymaldaryna biznestiń qyzyǵýshylyǵy artyp kele jatqandyǵy, sondai-aq júkter tasymalyn konteinerlendirýdegi bar áleýetti eskerip, júkterdi, sonyń ishinde aliýminii, qara metal, azyq-túlik, qurylys júkteri, mashina men qural-jabdyqtardy jáne ózgelerin tasymaldaýda konteinerlik jóneltilimderdi uiymdastyrý týraly ýaǵdalastyqqa qol jetkizildi.
Kelissóz qorytyndysy boiynsha Hattamaǵa qol qoiyldy.
