قازاقستان سەمەي, ٶسكەمەن جەنە كٶكشەتاۋ قالالارىندا جىلۋ ەلەكتر ورتالىقتارىن (جەو) رەسەيدٸڭ قاتىسۋىنسىز سالاتىن بولدى, دەپ حابارلايدى Dala News.
بۇل تۋرالى ٷكٸمەتتەگٸ بريفينگتە ەنەرگەتيكا ۆيتسە-مينيسترٸ سۇڭعات ەسٸمحانوۆ مەلٸمدەدٸ.
«ٷش جەو بويىنشا EPC-كەلٸسٸمشارتتار جاسالدى, ول جەردە رەسەيلٸك مەردٸگەرلەر جوق. قۇرىلىستى قازاقستاندىق مەردٸگەرلەر جٷرگٸزەدٸ», – دەدٸ ەسٸمحانوۆ. 
ونىڭ ايتۋىنشا, جوبالاردى قازاقستاندىق-سينگاپۋرلىق كونسورتسيۋم ٸسكە اسىرادى. قازٸرگٸ تاڭدا سەمەي مەن ٶسكەمەندەگٸ جەو بويىنشا كەلٸسٸمشارتتار 2026 جىلدىڭ باسىندا جاسالىپ قويعان. 
ۆيتسە-مينيستردٸڭ مەلٸمەتٸنشە, جوبالار «كٸلت تاپسىرۋ» قاعيداتى بويىنشا جٷزەگە اسادى, ياعني مەردٸگەر جوبالاۋ, جابدىق جەتكٸزۋ جەنە قۇرىلىس جۇمىستارىن تولىق ٶز موينىنا الادى. 
سونىمەن قاتار, ستانتسييالاردا زاماناۋي تەحنولوگييالار, سونىڭ ٸشٸندە «تازا كٶمٸر» جەنە تسيفرلىق شەشٸمدەر قولدانۋ جوسپارلانعان. 
جوبالاردىڭ قۇنى دا بەلگٸلٸ بولدى. كٶكشەتاۋداعى جەو شامامەن 350 ملرد تەڭگەگە باعالانسا, سەمەي مەن ٶسكەمەندەگٸ ستانتسييالار ەرقايسىسى شامامەن 400 ملرد تەڭگەدەن اسادى. 
«جوبالار بيۋدجەت ەسەبٸنەن قارجىلاندىرىلمايدى. كومپانييالار ٶزدەرٸ قاراجات تارتىپ, ستانتسييالاردى سالادى, كەيٸن تاريف ارقىلى شىعىندارىن قايتارادى», – دەپ تٷسٸندٸردٸ ەسٸمحانوۆ. 
قۇرىلىس جۇمىستارى جاقىن ايلاردا بەلسەندٸ كەزەڭگە ٶتەدٸ. نەگٸزگٸ جابدىقتاردى جەتكٸزۋ 2027 جىلدان باستالىپ, بارلىق ستانتسييالاردى 2029 جىلى ٸسكە قوسۋ جوسپارلانىپ وتىر. 
ايتا كەتەيٸك, باستاپقىدا بۇل جوبالاردى رەسەيمەن بٸرلەسٸپ جٷزەگە اسىرۋ جوسپارلانعان بولاتىن. الايدا قارجىلاندىرۋ مەسەلەلەرٸ مەن كەلٸسسٶزدەردٸڭ سوزىلۋىنا بايلانىستى قازاقستان جوبالاردى ٶز بەتٸنشە ٸسكە اسىرۋ تۋرالى شەشٸم قابىلدادى.
