بۇل تۋرالى مەملەكەت باسشىسى قاسىم-جومارت توقايەۆ نيۋ-يورككە جۇمىس ساپارى اياسىندا Goldman Sachs Global Institute كومپانياسىنىڭ جاھاندىق ماسەلەلەر بويىنشا پرەزيدەنتى دجارەد كوەنمەن كەزدەسۋى كەزىندە ايتتى، دەپ حابارلايدى Dalanews.kz اقورداعا سىلتەمە جاساپ.
قاسىم-جومارت توقايەۆ امەريكالىق Goldman Sachs جەتەكشى ينۆەستيسيالىق بانكىنىڭ قازاقستان ۇلتتىق بانكىمەن ۇزاق مەرزىمدى سەرىكتەستىك ورناتقانىن اتاپ ءوتىپ، ىقپالداستىق دەڭگەيىنە جوعارى باعا بەردى.
مەملەكەت باسشىسىنىڭ ايتۋىنشا، تولىق سيفرلىق مەملەكەتكە اينالۋدى كوزدەيتىن قازاقستان جاساندى ينتەللەكت، قارجى ەكوجۇيەسىن سيفرلاندىرۋ سالالارىنداعى ىنتىماقتاستىققا قىزىعۋشىلىق تانىتادى.
ال دجارەد كوەن Goldman Sachs Digital Asset Platform سيفرلىق قارجى تۇعىرناماسىنىڭ تاجىريبەسىنە توقتالدى.
بۇعان دەيىن قازاقستاندا جوعارى تەحنولوگيالىق سالالاردى دامىتۋعا 1 ملرد دوللارعا دەيىن قاراجات جۇمسالاتىنى حابارلانعان بولاتىن. قاراجات ۇلتتىق قوردان جانە ەكىنشى دەڭگەيدەگى بانكتەردەن تارتىلاتىن بولادى، باعدارلاما ۇلتتىق بانكپەن بىرلەسىپ ازىرلەنەتىن بولعان. سيفرلىق اكتيۆتەردىڭ تولىققاندى ەكوجۇيەسىن قالىپتاستىرۋدى جەدەلدەتۋ ءۇشىن ۇلتتىق بانكپەن بىرلەسىپ، مەملەكەتتىك سيفرلىق اكتيۆتەر قورىن قۇرۋ دا جوسپارلانۋدا.بۇل قۇرىلىمدا جاڭا سيفرلىق قارجى جۇيەسىندەگى بولاشاعى زور اكتيۆتەردەن قۇرالعان ستراتەگيالىق كريپتورەزەرۆ جيناقتالادى.
سونداي-اق، پرەزيدەنت Alatau City ايماقتاعى تولىق سيفرلانعان العاشقى قالاعا اينالاتىنىن دا ايتقان ەدى.
"مۇندا Smart City تەحنولوگيالارىن قولدانۋدان باستاپ تاۋارلار مەن قىزمەت اقىسىن كريپتوۆاليۋتامەن تولەۋگە دەيىنگى جاڭالىقتىڭ بارلىعى ەنگىزىلمەك. بۇل قالا قازاقستاننىڭ كەلەشەكتەگى كەلبەتىن تانىتپاق. وندا تەحنولوگيالىق ورلەۋگە جانە ءومىر سۇرۋگە بارىنشا قولايلى جاعداي جاسالادى"، - دەدى مەملەكەت باسشىسى بۇل رەتتە.
