Bul týraly Memleket basshysy Qasym-Jomart Toqaev Niý-Iorkke jumys sapary aiasynda Goldman Sachs Global Institute kompaniiasynyń jahandyq máseleler boiynsha prezidenti Djared Koenmen kezdesýi kezinde aitty, dep habarlaidy Dalanews.kz Aqordaǵa silteme jasap.
Qasym-Jomart Toqaev amerikalyq Goldman Sachs jetekshi investitsiialyq bankiniń Qazaqstan Ulttyq Bankimen uzaq merzimdi seriktestik ornatqanyn atap ótip, yqpaldastyq deńgeiine joǵary baǵa berdi.
Memleket basshysynyń aitýynsha, tolyq tsifrlyq memleketke ainalýdy kózdeitin Qazaqstan jasandy intellekt, qarjy ekojúiesin tsifrlandyrý salalaryndaǵy yntymaqtastyqqa qyzyǵýshylyq tanytady.
Al Djared Koen Goldman Sachs Digital Asset Platform tsifrlyq qarjy tuǵyrnamasynyń tájiribesine toqtaldy.
Buǵan deiin Qazaqstanda joǵary tehnologiialyq salalardy damytýǵa 1 mlrd dollarǵa deiin qarajat jumsalatyny habarlanǵan bolatyn. Qarajat Ulttyq qordan jáne ekinshi deńgeidegi bankterden tartylatyn bolady, baǵdarlama Ulttyq Bankpen birlesip ázirlenetin bolǵan. Tsifrlyq aktivterdiń tolyqqandy ekojúiesin qalyptastyrýdy jedeldetý úshin Ulttyq Bankpen birlesip, Memlekettik tsifrlyq aktivter qoryn qurý da josparlanýda.Bul qurylymda jańa tsifrlyq qarjy júiesindegi bolashaǵy zor aktivterden quralǵan strategiialyq kriptorezerv jinaqtalady.
Sondai-aq, prezident Alatau City aimaqtaǵy tolyq tsifrlanǵan alǵashqy qalaǵa ainalatynyn da aitqan edi.
"Munda Smart City tehnologiialaryn qoldanýdan bastap taýarlar men qyzmet aqysyn kriptovaliýtamen tóleýge deiingi jańalyqtyń barlyǵy engizilmek. Bul qala Qazaqstannyń keleshektegi kelbetin tanytpaq. Onda tehnologiialyq órleýge jáne ómir súrýge barynsha qolaily jaǵdai jasalady", - dedi Memleket basshysy bul rette.
