كۇنى كەشە ب ا ق بەتتەرىندە شىعىس ەۋروپاداعى بانكتەردىڭ ءبىرى قازاقستانداعى ءىرى بانكتىڭ ءبىرىن ساتىپ الۋى مۇمكىن ەكەندىگى تۋرالى اقپارات پايدا بولعان. ءيا، "ءىرى بانك" دەگەن سىبىس كوپتى كادىمگىدەي ەلەڭ ەتكىزىپ، ورنىنان قوزعاپ جىبەردى. ساراپشىلار قاۋىمى بۇل رەتتە ءارتۇرلى دولبار جاساۋدا. ال تانىمال قارجىگەر عالىم قۇسايىنوۆ بۇل ارادا ساتىپ الۋشى – ماجارلىق OTP Bankء-ى (ۆەنگريا)، ال ساتىلىمعا قويىلعانى ForteBank بولۋى مۇمكىن ەكەنىن ايتادى، دەپ حابارلايدى Dalanews.kz.
بۇعان دەيىن قارجى نارىعىن رەتتەۋ جانە دامىتۋ اگەنتتىگىنىڭ (قنردا) باسشىسى ءمادينا ءابىلقاسىموۆا شىعىس ەۋروپاداعى بانكتەردىڭ ءبىرى قازاقستاندا ەدب ساتىپ الۋدى جوسپارلاپ وتىرعانىن ايتقان.
"ءبىز ساتىپ الۋشى بانكتىڭ اتىن اتاي المايمىز، ويتكەنى ول اقپاراتتى جاريا ەتۋگە رۇقسات ەتىلمەگەن. بۇل اقپارات 2025 جىلدىڭ سوڭىندا نەمەسە 2026 جىلدىڭ باسىندا جاريا بولىپ قالادى دەپ ۇمىتتەنەمىن "، - دەدى اگەنتتىك باسشىسى.
"شەتەلدىكتەردىڭ قازاقستاندا ساتىپ العىسى كەلىپ وتىرعان بانك شاعىن با، الدە ءىرى مە" دەگەن ساۋالعا ول بىلاي جاۋاپ قاتتى:
"ءىرى بانك. ءبىز بۇل مامىلەنى اسىعا كۇتۋدەمىز، ويتكەنى ول مەملەكەت باسشىسىنىڭ قازاقستاننىڭ بانك نارىعىنا ءۇش شەتەلدىك ويىنشىنى تارتۋ جونىندەگى تاپسىرماسىن ىسكە اسىرۋعا باعىتتالعان. ءبىزدىڭ ەلدە ەكى شەتەلدىك بانك پايدا بولدى، ءبىراق ولار تىم شاعىن: Bereke Bank (lesha Bank LLC (Public) ەنشىلەس بانكى) جانە BNK Commercial Bank. ءبىراق ولاردىڭ ءوسۋ پەرسپەكتيۆالارى بار".
مىنە، وسى اراداعى بىزدە ساتىلماق جۇمباق ءىرى بانكتىڭ ForteBank بولۋى مۇمكىن ەكەن.
"ەگەر ەلىمىزدەگى ءىرى دەگەن 10 بانكتى الىپ قاراستىرساق، حالىق تىم ۇلكەن، ال كاسپيي بولسا، تىم قىمباتقا تۇسەدى، كەرىسىنشە ولار وزدەرى بانك ساتىپ الىپ جاتىر، بسك دا ەمەس، ويتكەنى ولاردىڭ اكسيونەرلەرىن مەن جاقسى تانيمىن، جۋسان بولسا، ونى جۋىردا عانا ساتتىق، ەۋرازيالىق بانك دەيىك دەسەك، ءاي قايدام، ولاردىڭ ءوز باسىندا پروبلەماسى جەتەرلىك. "بەرەكەنى" قاتارلىقتارعا بەردىك. سوندا ربك مەن فورتە قالادى. ەگەر ساتىپ الۋشى وتر دەپ قاراستىرساق، ويتكەنى ءبىزدىڭ نارىققا كەلۋگە نيەتتى سول عانا، ال ول بولشەك قىزمەتپەن اينالىساتىن بانك، دەمەك، بۇل HSB-نى ساتىپ العان فورتە بولادى"، دەپ جازدى مامان Threads-تەگى پاراقشاسىندا.
بۇعان دەيىن ForteBank Home Credit Bankء-تىڭ اكسيونەرى اتانعانىن جازعانبىز. وندا دا بولات وتەمۇراتوۆتىڭ بانكى Home Credit Bankء-تىڭ 26،8% اكسياسىن ساتىپ العانى بەلگىلى.
