Kúni keshe BAQ betterinde Shyǵys Eýropadaǵy bankterdiń biri Qazaqstandaǵy iri banktiń birin satyp alýy múmkin ekendigi týraly aqparat paida bolǵan. Iá, "iri bank" degen sybys kópti kádimgidei eleń etkizip, ornynan qozǵap jiberdi. Sarapshylar qaýymy bul rette ártúrli dolbar jasaýda. Al tanymal qarjyger Ǵalym Qusaiynov bul arada satyp alýshy – majarlyq OTP Bank-i (Vengriia), al satylymǵa qoiylǵany ForteBank bolýy múmkin ekenin aitady, dep habarlaidy Dalanews.kz.
Buǵan deiin Qarjy naryǵyn retteý jáne damytý agenttiginiń (QNRDA) basshysy Mádina Ábilqasymova Shyǵys Eýropadaǵy bankterdiń biri Qazaqstanda EDB satyp alýdy josparlap otyrǵanyn aitqan.
"Biz satyp alýshy banktiń atyn atai almaimyz, óitkeni ol aqparatty jariia etýge ruqsat etilmegen. Bul aqparat 2025 jyldyń sońynda nemese 2026 jyldyń basynda jariia bolyp qalady dep úmittenemin ", - dedi agenttik basshysy.
"Sheteldikterdiń Qazaqstanda satyp alǵysy kelip otyrǵan bank shaǵyn ba, álde iri me" degen saýalǵa ol bylai jaýap qatty:
"Iri bank. Biz bul mámileni asyǵa kútýdemiz, óitkeni ol Memleket basshysynyń Qazaqstannyń bank naryǵyna úsh sheteldik oiynshyny tartý jónindegi tapsyrmasyn iske asyrýǵa baǵyttalǵan. Bizdiń elde eki sheteldik bank paida boldy, biraq olar tym shaǵyn: Bereke Bank (lesha Bank LLC (Public) enshiles banki) jáne BNK Commercial Bank. Biraq olardyń ósý perspektivalary bar".
Mine, osy aradaǵy bizde satylmaq jumbaq iri banktiń ForteBank bolýy múmkin eken.
"Eger elimizdegi iri degen 10 bankti alyp qarastyrsaq, Halyq tym úlken, al Kaspii bolsa, tym qymbatqa túsedi, kerisinshe olar ózderi bank satyp alyp jatyr, BTsK da emes, óitkeni olardyń aktsionerlerin men jaqsy tanimyn, Jýsan bolsa, ony jýyrda ǵana sattyq, Eýraziialyq bank deiik desek, ái qaidam, olardyń óz basynda problemasy jeterlik. "Berekeni" qatarlyqtarǵa berdik. Sonda RBK men Forte qalady. Eger satyp alýshy OTR dep qarastyrsaq, óitkeni bizdiń naryqqa kelýge nietti sol ǵana, al ol bólshek qyzmetpen ainalysatyn bank, demek, bul HSB-ny satyp alǵan Forte bolady", dep jazdy maman Threads-tegi paraqshasynda.
Buǵan deiin ForteBank Home Credit Bank-tiń aktsioneri atanǵanyn jazǵanbyz. Onda da Bolat Ótemuratovtyń banki Home Credit Bank-tiń 26,8% aktsiiasyn satyp alǵany belgili.
