قاراعاندى وبلىسىندا پويىز ءتورت جۇمىسشىنى قاعىپ كەتكەن، دەپ حابارلايدى Dalanews.kz.
10 جەلتوقساندا ساعات 17:15-تە مويىنتى-شىعاناق ۋچاسكەسىندەگى شەشەنقارا-قاراجانعىل ارالىعىندا جۇك پويىزى قوزعالىپ كەلە جاتقان كەزدە ماشينيست شۇعىل تەجەگەن. وسى كەزدە سارىشاعان ستانسياسىنىڭ جول بريگاداسى رەلستى اۋىستىرۋ بويىنشا جوسپارلى جۇمىستاردى ورىنداپ جاتقان.
"بارلىق قاجەت شاراعا قاراماستان، جازاتايىم وقيعانىڭ الدىن الۋ مۇمكىن بولمادى. ءتورت جۇمىسشى جاراقاتتان كوز جۇمدى. وقيعانىڭ بارلىق ءمان-جايى مەن سەبەپتەرىن انىقتاۋ ءۇشىن ارنايى كوميسسيا قۇرىلدى. كوميسسيا تەكسەرىس جۇرگىزۋ ءۇشىن وقيعا ورنىنا جەدەل اتتاندى"، - دەپ جازىلعان حابارلامادا.
"قازاقستان تەمىر جولى" ۇك" اق مالىمەتىنشە، قازا تاپقانداردىڭ وتباسىلارىنا قولداۋ كورسەتىلەدى.
