تەرگەۋ دەرەگىنە ساي 2015–2024 جىلدارى ولار مەكەمەدە ءىس جۇزىندە جۇمىس ىستەمەگەن التى قىزمەتكەردى تابەلگە ەنگىزىپ، شامامەن 29 ملن تەڭگە جىمقىرعان.
سونداي-اق، ديرەكتور 501 وقۋشىعا زاڭدا قاراستىرىلماعان وقۋ اقىسى جەڭىلدىگىن بەرىپ، مەكتەپكە 183 ملن تەڭگە شىعىن كەلتىرگەن. بۇدان بولەك، 0-سىنىپتاردى ۇيىمداستىرىپ، اتا-انالاردان تۇسكەن قارجىنى ەسەپكە قوسپاعان. وسى ەپيزود بويىنشا 305 ملن تەڭگە يەمدەنىلگەنى انىقتالعان. جازعى لاگەر قاراجاتى مەن شەتەلدىك مۇعالىمدەردىڭ جالاقىسىنا قاتىستى زاڭسىز ارەكەتتەر دە تىركەلگەن. جالپى كەلتىرىلگەن شىعىن كولەمى جۇزدەگەن ميلليون تەڭگەگە جەتكەن.
سوت س.-نى 8 جىلعا، ا.-نى 7 جىلعا باس بوستاندىعىنان ايىردى. ايىپتالۋشىلاردىڭ مۇلكى تاركىلەندى. ا.-نىڭ كامەلەتكە تولماعان بالالارى بولۋىنا بايلانىستى جازانى وتەۋ ءبىر جىلعا كەيىنگى قالدىرىلدى.
588 ملن تەڭگە كولەمىندەگى ازاماتتىق تالاپ قاناعاتتاندىرىلدى. ۇكىم زاڭدى كۇشىنە ەنگەن جوق.
