قازاقستاندىقتاردىڭ قايىرىمدىلىققا بەرگەن اقشاسىن الاياقتار يەمدەنگەن بٸرنەشە وقيعادان كەيٸن قوعامدا بۇل سالادا تەرتٸپ ورناتۋ مەسەلەسٸ كٶتەرٸلۋدە. مۇنى ٷكٸمەت تە, مەجٸلٸس دەپۋتاتتارى دا جاقسى تٷسٸنٸپ وتىر. بۇل رەتتە بٸرىڭعاي پلاتفورما قۇرۋ يدەياسى دا ورتاعا تاستالىپ ٷلگەردٸ, دەپ حابارلايدى Dalanews.kz جەتٸنشٸ ارناعا سٸلتەمە جاساپ.
جاقىندا پەريزات قايراتقا قاتىستى اتىشۋلى ٸستەن, ٸلە-شالا بالاسىن ەمدەتۋگە حالىقتان جينالعان 1,3 ملرد تەڭگەنٸ جەكە قاجەتٸنە جۇمساپ قويعان وتباسى تۋرالى اقپاراتتان كەيٸن قاراشا قايىرىمدىلىق سالاسىنا مەملەكەتتٸك باقىلاۋ كەرەگٸن ايتا باستادى.
قايىرىمدىلىق قورلارىنىڭ ٶكٸلدەرٸ مۇنداي جايتتاردىڭ ەل ٸشٸندە سەنٸمسٸزدٸك تۋدىرىپ جاتقانىن, راسىمەن كٶمەك قاجەت ادامدارعا اقشا جيناۋ قيىنداپ كەتكەنٸن راستايدى.
بەلگٸلٸ قوعام بەلسەندٸسٸ, بالا قۇقىقتارى جٶنٸندەگٸ ەكس-ومبۋدسمەن ارۋجان ساين مۇنداي الاياقتىق ەرەكەتتەردٸڭ جيٸ كەزدەسەتٸنٸن ايتادى:
"بۇل بٸرٸنشٸ رەت بولىپ تۇرعان جاعداي ەمەس. بٸز جاڭا جوبامىزدى باستاعان كەزدە, ادامدار كەلٸپ, "بالام اۋىرادى, اقشا بەرٸڭٸزدەرشٸ" دەيتٸن. بٸز وندايدا بارلىق دەلەلدەر مەن قۇجاتتاردى سۇرايمىز. بالاسىنىڭ دياگنوزىن راستايتىن قۇجاتتاردى كٶرسەتۋدٸ تالاپ ەتكەندە كٶبٸسٸ ٸزٸم-عايىم جوق بولىپ كەتەدٸ. شىنىمەن بالاسى اۋىراتىن كەيبٸر اتا-انالار دا قارجىلاي كٶمەك سۇرايدى. بٸز ولارعا "اقشانى ٶز قولدارىڭىزعا بەرمەيمٸز, تٸكەلەي كلينيكاعا تٶلەيمٸز" دەگەن كەزدە دە كٶپشٸلٸگٸ بايلانىسىن ٷزەدٸ", – دەيدٸ ارۋجان ساين.
"اسار-ٷمە" قورىنىڭ جەتەكشٸسٸ اسحات نۇرماشەۆ تە كەيٸنگٸ وقيعالار تۋرالى پٸكٸر بٸلدٸردٸ:
"سوڭعى بٸر جىلدا ەلٸمٸزدە بولعان جاعدايلار حالىقتى دا, ٶز جۇمىسىن ادال اتقاراتىن قورلاردى دا قاتتى ابدىراتىپ تاستادى. بٸز دە وسىنداي سىننىڭ استىندا قالدىق. مىسالى, بيىل قاڭتار مەن تامىز ارالىعىندا قورىمىز 72 وتباسىنى باسپانامەن قامتاماسىز ەتتٸ. ال بىلتىر دەل وسى مەرزٸمدە بۇل كٶرسەتكٸش 150 وتباسى بولعان ەدٸ", – دەيدٸ اسحات نۇرماشەۆ.
زاڭگەرلەردٸڭ ايتۋىنشا, قايىرىمدىلىققا اقشا اۋدارار الدىندا ۇيىمداردىڭ سەنٸمدٸلٸگٸنە كٶز جەتكٸزگەن جٶن. سەنٸمدٸ قورلاردىڭ مىنانداي نەگٸزگٸ بەلگٸلەرٸ بولادى:
- رەسمي سايت پەن ەلەۋمەتتٸك پاراقشالارىنىڭ بولۋى,
- قارجىلىق ەسەپتەرٸنٸڭ,
- قۇجاتتارىنىڭ جەنە ناقتى فوتوەسەپتەرٸنٸڭ تۇراقتى جارييالانىپ وتىرۋى.
مەجٸلٸس دەپۋتاتى دينارا ناۋموۆا قايىرىمدىلىق سالاسىنداعى الاياقتىققا توسقاۋىل قويۋ ٷشٸن تسيفرلىق پلاتفورما ەنگٸزٸپ, زاڭنامالىق ٶزگەرٸستەر جاساۋدى ۇسىنادى:
"بٸز بۇل سالانى تسيفرلاندىرۋ كەرەك دەپ جاتىرمىز. بٸرىڭعاي پلاتفورما قۇرىپ, سول جەردە قايىرىمدىلىق قورلارى مەن قاراجات جينايتىن باسقا دا ادامدار تٸركەلٸپ, جۇمىسىنىڭ اشىقتىعىن دەلەلدەۋٸ قاجەت. زاڭنامانى دەپۋتاتتارمەن بٸرلەسە وتىرىپ جەتٸلدٸرۋ كەرەك. مەجٸلٸس پەن سەنات دەپۋتاتتارىمەن بٸرگە وسى باعىتتا اۋقىمدى جۇمىس اتقارىلادى", – دەيدٸ دەپۋتات دينارا ناۋموۆا.
ايتا كەتسەك,2025 جىلى 15 شٸلدەدە ٷكٸمەتتە ٶتكەن ارنايى باسپاسٶز مەسليحاتىندا پرەمەر-مينيستر ولجاس بەكتەنوۆ پەريزات قايرات ٸسٸنە قاتىستى پٸكٸر بٸلدٸرگەن بولاتىن. ٷكٸمەت باسشىسىنىڭ سٶزٸنشە, بيۋدجەت اقشاسىنان بٶلەك, حالىقتان قايىرىمدىلىق ٷشٸن جينالعان اقشا دا قولدى بولىپ كەتٸپ جاتىر. ول مۇنداي كەلەڭسٸزدٸكتەردٸ تىيۋ ٷشٸن اشىقتىق پەن باقىلاۋ كٷشتٸ بولۋ قاجەت دەپ ەسەپتەيدٸ. ٷكٸمەت باسشىسى وسىعان بايلانىستى ەرٸپتەستەرٸ تاراپىنان ۇسىنىس كٷتەتٸنٸن دە ايتتى.
سونداي-اق 2025 جىلى 24 شٸلدەدە مەدەنيەت جەنە اقپارات ۆيتسە-مينيسترٸ قانات ىسقاقوۆ قايىرىمدىلىق قورلارى ٶزٸنٸڭ جۇمىسى, حالىقتان جينالعان قاراجاتتىڭ جۇمسالۋى تۋرالى باق-قا ەسەپ بەرۋگە مٸندەتتەلەتٸنٸن ايتتى. ونىڭ ايتۋىنشا, "كوممەراتسييالىق ەمەس ۇيىمدار مەن ٷكٸمەتتٸك ەمەس ۇيىمداردىڭ قىزمەتٸ تۋرالى" زاڭعا ەنگٸزٸلەتٸن ٶزگەرٸستەر مەن تٷزەتۋلەر بيىلعى جىلدىڭ بويىندا تالقىلانىپ, ونىڭ جوباسى پارلامەنتكە 2026 جىلدىڭ باسىندا ۇسىنىلىپ قالادى.
سۋ تاسقىنىنان زارداپ شەككەندەرگە كٶمەك اقشا جيناعان Biz birgemiz قورىنىڭ تٶراعايىمى پەريزات قايرات پەن عاني الاشباەۆاعا 2025 جىلى 25 شٸلدەدە سوت ٷكٸمٸ شىقتى. بٸرٸ 10 جىلعا, ەكٸنشٸسٸ 7 جىلعا سوتتالدى. سوتتا 46 جاپا شەگۋشٸ سٶز الدى.
اتىراۋدا قايىرىمدىلىق جاساعان بولىپ, جۇرتتى الداعان بلوگەر سوتتا جاۋاپ بەرٸپ جاتىر.
