"ازاماتتاردى قابىلداۋدى تۇراقتى جۇرگىزۋدى جالعاستىرامىز. بۇگىن تاعى 8 ادامدى جەكە قابىلدادىم. جىل باسىنان بەرى 300-گە جۋىق ادام جۇمىسپەن قامتىلدى.
قابىلداۋدا كوتەرىلەتىن نەگىزگى ماسەلەلەر - تۇرعىن ءۇي باعدارلامالارىنا قاتىسۋ، الەۋمەتتىك جانە مەديسينالىق كومەك، ەلدى مەكەندەردى دامىتۋ، ءبىلىم الۋ، اباتتاندىرۋ جانە باسقالار. مەملەكەت باسشىسىنىڭ تاپسىرماسى بويىنشا جەڭىلدىكپەن بەرىلەتىن قولجەتىمدى تۇرعىن ءۇي، مەديسينالىق جانە وڭالتۋ نىساندارى قۇرىلىسىنىڭ كولەمى ۇلعايدى.
مىسالى، وسى ايدا كورۋ قابىلەتى بۇزىلعان بالالارعا ارنالعان مامانداندىرىلعان بالاباقشا (سارىارقا اۋدانى، كەنەسارى كوشەسى، 9/1) اشىلدى. ءقازىر بالالار مەكەمەگە بارىپ ءجۇر. بالاباقشادا تاربيەشىلەرمەن بىرگە مەديسينالىق قىزمەتكەرلەر دە جۇمىس ىستەيدى.
سونداي-اق ەرەكشە قاجەتتىلىگى بار بالالارعا ارنالعان وڭالتۋ ورتالىعىنىڭ جەلىسىن ايتارلىقتاي كەڭەيتتىك. بۇل باعىتتاعى جۇمىستاردى جۇيەلى نەگىزدە جالعاستىرامىز.
ازاماتتاردى قابىلداۋدان بولەك قالا تۇرعىندارىمەن ءوزارا بايلانىستى نىعايتۋعا ەلوردا اۋداندارى، سونىڭ ىشىندە ەلدى مەكەندەردى تۇراقتى ارالاۋ ايرىقشا كومەكتەسەدى.
بۇل شارالار تۇرعىنداردى بارىنشا كوپ قامتۋعا مۇمكىندىك بەرەدى. قالا تۇرعىندارى كوتەرگەن ماسەلەلەردى نازارعا الىپ، جۇمىس ىستەيتىن بولامىز"، — دەپ جازدى ەلوردا اكىمى.
