"Azamattardy qabyldaýdy turaqty júrgizýdi jalǵastyramyz. Búgin taǵy 8 adamdy jeke qabyldadym. Jyl basynan beri 300-ge jýyq adam jumyspen qamtyldy.
Qabyldaýda kóteriletin negizgi máseleler - turǵyn úi baǵdarlamalaryna qatysý, áleýmettik jáne meditsinalyq kómek, eldi mekenderdi damytý, bilim alý, abattandyrý jáne basqalar. Memleket basshysynyń tapsyrmasy boiynsha jeńildikpen beriletin qoljetimdi turǵyn úi, meditsinalyq jáne ońaltý nysandary qurylysynyń kólemi ulǵaidy.
Mysaly, osy aida kórý qabileti buzylǵan balalarǵa arnalǵan mamandandyrylǵan balabaqsha (Saryarqa aýdany, Kenesary kóshesi, 9/1) ashyldy. Qazir balalar mekemege baryp júr. Balabaqshada tárbieshilermen birge meditsinalyq qyzmetkerler de jumys isteidi.
Sondai-aq erekshe qajettiligi bar balalarǵa arnalǵan ońaltý ortalyǵynyń jelisin aitarlyqtai keńeittik. Bul baǵyttaǵy jumystardy júieli negizde jalǵastyramyz.
Azamattardy qabyldaýdan bólek qala turǵyndarymen ózara bailanysty nyǵaitýǵa elorda aýdandary, sonyń ishinde eldi mekenderdi turaqty aralaý airyqsha kómektesedi.
Bul sharalar turǵyndardy barynsha kóp qamtýǵa múmkindik beredi. Qala turǵyndary kótergen máselelerdi nazarǵa alyp, jumys isteitin bolamyz", — dep jazdy elorda ákimi.
