بەلگٸلٸ جۋرناليست ميحايل كوزاچكوۆ "پروبلەمالىق كرەديتتەر قورى" اق-نىڭ بۇرىنعى باسقارما تٶراعاسى دەۋلەت باقبەرگەننٸڭ ۇستالعانىن مەلٸمدەدٸ. ونىڭ جازۋىنشا, ەكس-باسشى قىزمەتتٸك ٶكٸلەتتٸگٸن اسىرا پايدالاندى دەگەن كٷدٸككە ٸلٸنگەن, دەپ حابارلايدى Dalanews.kz.
جۋرناليستٸڭ دەرەگٸنە سٷيەنسەك, باقبەرگەن بٸراز ۋاقىت بۇرىن استانادا ۇستالىپ, كەيٸن الماتىعا جەتكٸزٸلگەن. قازٸر قىلمىستىق ٸستٸ ۇقك-نٸڭ سىبايلاس جەمقورلىققا قارسى قىزمەتٸ تەرگەپ جاتىر. بۇل باپ بويىنشا 7 جىلعا دەيٸن باس بوستاندىعىنان ايىرۋ جازاسى قاراستىرىلعان.
كوزاچكوۆ مەسەلەنٸڭ مەنٸن تٷسٸندٸرە كەلە, "پروبلەمالىق كرەديتتەر قورى" قارجى مينيسترلٸگٸنە قاراستى ۇيىم ەكەنٸن اتاپ ٶتتٸ. قوردىڭ نەگٸزگٸ مٸندەتٸ ەكٸنشٸ دەڭگەيلٸ بانكتەردەن ٶتكەن پروبلەمالىق اكتيۆتەردٸ قابىلداپ, ولاردى قالپىنا كەلتٸرٸپ, كەيٸن ساۋداعا شىعارۋ ەكەن.
الايدا بۇل قۇرىلىمنىڭ جۇمىسى بۇعان دەيٸن دە دەپۋتاتتار مەن ساراپشىلار تاراپىنان سىنعا ۇشىراعان. ماماندار ونداعان نىسان قور قاراماعىندا بولعانىنا قاراماستان, تابىستىڭ نەگە ماردىمسىز ەكەنٸن بٸرنەشە رەت كٶتەرگەن.
جۋرناليست ٶزٸ شامامەن التى جىل بۇرىن قور قىزمەتٸنە قاتىستى شاعىن زەرتتەۋ جارييالاعانىن دا ەسكە سالدى. سول ماتەريالدا شىعىس قازاقستان وبلىسىنداعى سەرەبريانسك بەيورگانيكالىق ٶندٸرٸستەر زاۋىتىنىڭ جاعدايى سٶز بولعان.
"قور مەنەدجەرلەرٸ اۋماعى 64 مىڭ شارشى مەتر زاۋىتتى ايىنا نەبەرٸ 1000 تەڭگەگە جالعا بەرگەن. ينۆەستور ٶندٸرٸستٸ جانداندىرامىن دەگەنٸمەن, ٸس جٷزٸندە عيماراتتاردى كوممەرتسييالىق ماقساتتا قايتا جالعا بەرٸپ وتىرعان", - دەپ جازدى كوزاچكوۆ.
سونىمەن قاتار جۋرناليست بۇل ٸستە تاعى بٸر نازار اۋدارار جايت بارىن اتاپ ٶتتٸ. ونىڭ ايتۋىنشا, باقبەرگەننٸڭ بۇرىنعى جەتەكشٸسٸ - قارجى مينيسترلٸگٸ تاراپىنان قور جۇمىسىن قاداعالاعان بەرٸك شولپانقۇلوۆ جۋىردا ۇلتتىق بانك تٶراعاسىنىڭ ورىنباسارى قىزمەتٸنەن ٶز ەركٸمەن كەتكەن.
كوزاچكوۆ وسى ەكٸ وقيعانىڭ ٶزارا بايلانىسى بار-جوعى ەزٸرگە بەلگٸسٸز ەكەنٸن ايتىپ, بۇل سۇراققا تەرگەۋ بارىسىندا جاۋاپ بەرٸلۋٸ مٷمكٸن ەكەنٸن مەڭزەدٸ.
قازٸرگٸ ۋاقىتتا رەسمي ورگاندار تاراپىنان قوسىمشا تٷسٸنٸكتەمە جارييالانعان جوق.
