پەرۋاشەۆ: «قازاقستان ازاماتتىعىن الۋشىلار تاريح پەن قازاق تٸلٸنەن سىناق تاپسىرسىن»
– گۋمانيتارلىق جەنە ەكونوميكالىق داعدارىستاردان, ازاماتتىق سوعىستاردان قاشۋدىڭ نەتيجەسٸندە ەكونوميكالىق ميگرانتتار مەن بوسقىندار جاپپاي اعىلىپ جٷر. ەۋروپا تەجٸريبەسٸ كٶرسەتكەندەي, جاعدايى مٷشكٸل مەملەكەتتەردەن قاشىپ كەلەتٸن ادامنىڭ سانى ارتىپ, ميگراتسييالىق اعىم اپاتتى ٷردٸسكە اينالدى. ولاردى قابىلدايتىن ەلدەردٸڭ بيۋدجەتٸنە قوسىمشا شىعىن كەلٸپ, دەنساۋلىق ساقتاۋ مەن ەلەۋمەتتٸك قامتاماسىز ەتۋگە جٷك تٷسٸپ, جۇمىسسىزدىق ارتىپ, قىلمىستىق جاعداي ناشارلاپ كەتۋدە. ونىڭ ٷستٸنە ٶزگە تٸل, مەدەنيەتٸ جەنە ەتنيكالىق قۇرامى جات ەلدەردەن مىڭداعان ميگرانتتاردىڭ باقىلاۋسىز كەلۋٸ قابىلداۋشى ەلدەردٸڭ ۇلتتىق بٸرەگەيلٸكتٸ ساقتاۋىنا قاۋٸپ تۋعىزادى, – دەدٸ پەرۋاشەۆ.
دەپۋتات ٶز سٶزٸندە بٸرقاتار مەملەكەتتەگٸ بوسقىنداردىڭ قاتىسۋىمەن بولعان جانتٷرشٸگەرلٸك وقيعالاردى مىسالعا كەلتٸردٸ. سوندىقتان ەۋروپانىڭ بٸرقاتار ەلٸ سىرتقى ميگراتسييانى شەكتەۋ جٶنٸندە شارالار قابىلداي باستاعان. دەپۋتاتتىڭ ايتۋىنشا, ەلباسىنىڭ بەيبٸت ساياساتى مەن ەكونوميكالىق رەفورمالاردىڭ ارقاسىندا قازاقستان بٷگٸنگٸ كٷنٸ لايىقتى ٶمٸر سٷرۋگە بولاتىن تارتىمدى مەملەكەتكە اينالىپ وتىر.
– سوندىقتان ەلٸمٸز جاقىن ايماقتاردان قاشقان بوسقىندار ٷشٸن قىزىعۋشىلىق تۋعىزۋى مٷمكٸن. وسىنى ەسكەرٸپ, ەلٸمٸزدە ميگراتسييالىق داعدارىستى كٷتپەي-اق, ونى رەتتەۋ مەن قازاقستاندىق بٸرەگەيلٸكتٸ قورعاۋ جٶنٸندە الدىن الا شارالاردى قولعا الۋ قاجەت دەپ ەسەپتەيمٸز. ەڭ الدىمەن, زاڭنامانى كونستيتۋتسيياعا سەيكەستەندٸرۋ اياسىندا ازاماتتىق تۋرالى زاڭدا قازاقستاننىڭ ازاماتتىعىن سۇراۋشىلاردىڭ ەمتيحان تاپسىرۋى تۋرالى نورمالار قاراستىرىلۋى تيٸس. اتاپ ايتقاندا, رەسپۋبليكا كونستيتۋتسيياسى, قازاقستاننىڭ مەدەنيەتٸ مەن تاريحى, مەملەكەتتٸك تٸل جٶنٸندە جەنە تاعى باسقالارى. بۇل ۇسىنىس ەشكٸمگە ەشقانداي ديسكريميناتسييا بٸلدٸرمەيدٸ. بٸراق ولارعا بٸزدٸڭ حالىق پەن مەملەكەتتٸ قۇرمەتتەۋگە تۋرا كەلەدٸ, – دەپ اتاپ ٶتتٸ دەپۋتات.
ازاماتتىققا قۇقىق الۋ ٷشٸن ەمتيحان تاپسىرۋ اۆسترالييا, اۆسترييا, گەرمانييا, كانادا, نيدەرلاندى, اقش, يزرايل, وڭتٷستٸك كورەيا سىندى كٶپتەگەن ەلدە بار ەكەن. ونىڭ ٷستٸنە مۇنداي ەمتيحاندى تاپسىرۋ نەگٸزٸنەن اقىلى بولعاندىقتان, بيۋدجەتكە ەشقانداي جٷك تٷسپەيدٸ.
كەيبٸر مەملەكەتتەردە ەمتيحاندى ازاماتتىق العىسى كەلگەندەر عانا ەمەس, سونىمەن قاتار ەڭبەك ميگرانتتارى نەمەسە ۇزاق مەرزٸمگە ۆيزا الۋشىلار دا تاپسىرادى. مىسالى, گوللاندييا مەن رەسەيدە. «ونىڭ ماقساتى تٸلدٸ تٷسٸنبەۋ نەمەسە قالىپتاسقان دەستٷردٸ بٸلمەۋدەن تۋىندايتىن جەرگٸلٸكتٸ حالىقپەن جانجالداردى بولدىرماۋ. بٸزدٸڭ ويىمىزشا, ۇسىنىلىپ وتىرعان باستاما دەر كەزٸندەگٸ جەنە كونستيتۋتسييالىق رەفورماعا سەيكەس كەلەدٸ», – دەپ تٷيدٸ سٶزٸن پەرۋاشەۆ.
