اۋىل شارۋاشىلىعىن قارجىلاي قولداۋ قورىندا پروبلەمالىق قارىزدار بويىنشا بەرەشەكتەرىن ءوندىرىپ الۋ بويىنشا تۇراقتى نەگىزدە جۇمىس جۇرگىزىلەدى. بۇل پروبلەمالىق قارىزدارمەن سوتتان تىس جانە سوت تارتىبىندەگى جۇمىس جۇرگىزۋ جونىندەگى زاڭنامامەن جانە ىشكى نورماتيۆتىك قۇجاتتارمەن رەتتەلەتىن راسىمدەر. وسى ءىس-شارالار شەڭبەرىندە 2015 جىلى قورمەن ونىڭ شىعىس قازاقستانداعى فيليالىندا ءبىرقاتار نەسيەلەر الدامشىلىق سحەماسىن پايدالانىپ، اتاپ ايتقاندا قارىزداردى جالعان ادامداردىڭ اتىنا راسىمدەۋ ارقىلى الىنعانى ايقىندالدى.
ايقىندالعان بۇزۋشىلىقتار بويىنشا قوردىڭ شىعىس قازاقستانداعى فيليالىمەن قۇقىق قورعاۋ ورگاندارىنا 2014-2015 جىلدارى زاڭسىز جولمەن 31 قارىز الۋشىنىڭ نەگىزگى بورىشى 132،5 ملن. تەڭگە سوماسىنداعى نەسيە الۋ فاكتىسى بويىنشا قىلمىستىق ءىس قوزعاۋ تۋرالى ماتەريالدار جىبەرىلدى. جالپى سوماسى 101،8 ملن. تەڭگەگە 22 نەسيە بويىنشا قىلمىستىق ءىس قوزعالدى، ونىڭ 4 فاكتى بويىنشا 17،1 ملن. تەڭگەنىڭ نەسيەسى وتەلدى. ءبىر ماتەريال ازاماتتىق تارتىپتە قاراستىرىلۋدا، ول بويىنشا وتەۋ 0،4 ملن.تەڭگەنى قۇرادى. 30،7 ملن.تەڭگە سوماسىنا 8 نەسيە بويىنشا ماتەريالدار قۇقىق قورعاۋ ورگاندارىنا قايتادان جىبەرىلدى.
2015 جىلى قوردىڭ ورتالىق اپپاراتىن تەكسەرۋ قورىتىندىسى بويىنشا بۇزۋشىلىقتارعا جول بەرىلگەنى ءۇشىن فيليالدىڭ ديرەكتورىمەن ەڭبەك شارتى بۇزىلدى.
2017 جىلعى اقپاندا وتكەن سوت ۇكىمىمەن الاياقتىق فاكتىسى بويىنشا قىلمىستىق ءىستىڭ ءبىرقاتار فيگۋرانتتارىنا قاتىستى بوستاندىقتان ايىرۋمەن بايلانىستى ءتۇرلى جازالاۋ شارالارى قولدانىلدى.
2007-2016 جىلدار ارالىعىندا اۋىل شارۋاشىلىعىن قارجىلاي قولداۋ قورىنىڭ شىعىس قازاقستانداعى فيليالىمەن 9،3 ملرد. تەڭگە سوماسىنا 5،5 مىڭنان استام قارىز بەرىلگەنىن اتاپ ءوتۋ قاجەت. 2017 جىلعى قاڭتار ايىنىڭ باسىنداعى جاعدايدا فيليالدىڭ نەسيە قورجىنىندا 644 پروبلەمالىق قارىز بار. نەگىزگى بورىشىنىڭ جالپى سوماسى 1،3 ملرد. تەڭگە. اتالعان قارىزدار بويىنشا قايتارۋ جونىندەگى سوتقا دەيىنگى جانە سوت جۇمىستارى جۇرگىزىلۋدە، نەسيە قورجىنىن جاباتىن ءوتىمدى كەپىلدىك مۇلكى بار. 2016 جىلدىڭ ىشىندە عانا شىعىس قازاقستانداعى فيليالدا 266،7 ملن.تەڭگە سوماسىنا نەسيە قاراجاتى قايتارىلدى.
«اۋىل شارۋاشىلىعىن قارجىلاي قولداۋ قورى» اق «قازاگرو» ۇلتتىق باسقارۋشى حولدينگى» اق قۇرامىنا كىرەتىن كومپانيا. قوردىڭ ميسسياسى –اۋىلدا شاعىن نەسيەلەۋدىڭ ءتيىمدى جۇيەسىن دامىتۋ ارقىلى اۋىلداعى كاسىپكەرلىككە كومەك كورسەتۋ. شاعىن نەسيەلەۋ باعدارلامالارى بويىنشا (2005 جىلدان باستاپ) كومپانيا ءوزىنىڭ فيليالدارى جانە شاعىن نەسيە ۇيىمدارى ارقىلى 152 ملرد.تەڭگەگە 109 مىڭ شاعىن نەسيە بەردى. 2016 جىلى 33،5 ملرد.تەڭگە سوماسىنا 10،7 مىڭ شاعىن نەسيە بەرىلدى. قوردىڭ اۋىلداعى شاعىن نەسيەلەۋ نارىعىنداعى ۇلەسى 94%-دى قۇرايدى.
«قازاگرو» حولدينگى» اق باسپا ءسوز قىزمەتى
