«QazAgro» Ulttyq holdingi Shyǵystaǵy filialy jaiynda túsinik berdi
Aýyl sharýashylyǵyn qarjylai qoldaý qorynda problemalyq qaryzdar boiynsha bereshekterin óndirip alý boiynsha turaqty negizde jumys júrgiziledi. Bul problemalyq qaryzdarmen sottan tys jáne sot tártibindegi jumys júrgizý jónindegi zańnamamen jáne ishki normativtik qujattarmen retteletin rásimder. Osy is-sharalar sheńberinde 2015 jyly qormen onyń Shyǵys Qazaqstandaǵy filialynda birqatar nesieler aldamshylyq shemasyn paidalanyp, atap aitqanda qaryzdardy jalǵan adamdardyń atyna rásimdeý arqyly alynǵany aiqyndaldy.
Aiqyndalǵan buzýshylyqtar boiynsha Qordyń Shyǵys Qazaqstandaǵy filialymen quqyq qorǵaý organdaryna 2014-2015 jyldary zańsyz jolmen 31 qaryz alýshynyń negizgi boryshy 132,5 mln. teńge somasyndaǵy nesie alý faktisi boiynsha qylmystyq is qozǵaý týraly materialdar jiberildi. Jalpy somasy 101,8 mln. teńgege 22 nesie boiynsha qylmystyq is qozǵaldy, onyń 4 fakti boiynsha 17,1 mln. teńgeniń nesiesi óteldi. Bir material azamattyq tártipte qarastyrylýda, ol boiynsha óteý 0,4 mln.teńgeni qurady. 30,7 mln.teńge somasyna 8 nesie boiynsha materialdar quqyq qorǵaý organdaryna qaitadan jiberildi.
2015 jyly qordyń ortalyq apparatyn tekserý qorytyndysy boiynsha buzýshylyqtarǵa jol berilgeni úshin filialdyń direktorymen eńbek sharty buzyldy.
2017 jylǵy aqpanda ótken sot úkimimen alaiaqtyq faktisi boiynsha qylmystyq istiń birqatar figýranttaryna qatysty bostandyqtan aiyrýmen bailanysty túrli jazalaý sharalary qoldanyldy.
2007-2016 jyldar aralyǵynda Aýyl sharýashylyǵyn qarjylai qoldaý qorynyń Shyǵys Qazaqstandaǵy filialymen 9,3 mlrd. teńge somasyna 5,5 myńnan astam qaryz berilgenin atap ótý qajet. 2017 jylǵy qańtar aiynyń basyndaǵy jaǵdaida filialdyń nesie qorjynynda 644 problemalyq qaryz bar. Negizgi boryshynyń jalpy somasy 1,3 mlrd. teńge. Atalǵan qaryzdar boiynsha qaitarý jónindegi sotqa deiingi jáne sot jumystary júrgizilýde, nesie qorjynyn jabatyn ótimdi kepildik múlki bar. 2016 jyldyń ishinde ǵana Shyǵys Qazaqstandaǵy filialda 266,7 mln.teńge somasyna nesie qarajaty qaitaryldy.
«Aýyl sharýashylyǵyn qarjylai qoldaý qory» AQ «QazAgro» ulttyq basqarýshy holdingi» AQ quramyna kiretin kompaniia. Qordyń missiiasy –aýylda shaǵyn nesieleýdiń tiimdi júiesin damytý arqyly aýyldaǵy kásipkerlikke kómek kórsetý. Shaǵyn nesieleý baǵdarlamalary boiynsha (2005 jyldan bastap) kompaniia óziniń filialdary jáne shaǵyn nesie uiymdary arqyly 152 mlrd.teńgege 109 myń shaǵyn nesie berdi. 2016 jyly 33,5 mlrd.teńge somasyna 10,7 myń shaǵyn nesie berildi. Qordyń aýyldaǵy shaǵyn nesieleý naryǵyndaǵy úlesi 94%-dy quraidy.
«QazAgro» holdingi» AQ Baspasóz qyzmeti
