سەنات وتىرىسىندا بايانداما جاساعان مەجٸلٸس دەپۋتاتى ازات پەرۋاشەۆ "زاڭ جوباسىنداعى نەگٸزگٸ جاڭالىق" قۇقىقتىق ورتاعا "وپپوزيتسييا" ۇعىمىنىڭ ەنگٸزٸلۋٸ ەكەنٸن اتاپ ٶتتٸ.
"زاڭ جوباسىندا "پارلامەنتتٸك وپپوزيتسييا" ۇعىمىنا بەرٸلگەن انىقتامادا بۇل پارتييالار, ەدەتتە, بيلٸك پارتيياسىنان بٶلەك ٶزگەشە ساياسات جٷرگٸزۋگە مٸندەتتٸ دەگەن تەزيس ەنگٸزٸلگەن.
ياعني, بٸز "وپپوزيتسييامىن" دەۋشٸلەردٸ پارلامەنتتە ٷنسٸز جٷرمەي, بەلسەندٸ جۇمىس جٷرگٸزۋگە, قوعام ٷشٸن شىن اتسالىسىپ, ماڭىزدى پروبلەمالاردى كٶتەرۋگە, بيلٸكتٸڭ ساياساتىنا جاڭا كٶزقاراسى بولىپ, بٶلەك ۇسىنىستاردى بەرۋگە ارنايى يتەرمەلەپ وتىرمىز.
وسىنداي پارتييالارعا, "پارلامەنتتٸك وپپوزيتسييا" اتاعىمەن شەكتەلمەي, سول ۇعىمدى مەرتەبەسٸ مەن قۇقىقتىق كەپٸلدٸكتەرٸمەن تولىقتىرۋدى ۇسىنىپ وتىرمىز" دەدٸ ازات پەرۋاشەۆ.
زاڭ جوباسى اۆتورلارىنىڭ ايتۋىنشا, قۇجاتتا وپپوزيتسييا ٷشٸن "بٸرقاتار قۇقىقتىق ارتىقشىلىقتار قاراستىرىلعان". مىسالى, ەربٸر سەسسييا كەزٸندە پارلامەنتتٸك تىڭداۋ مەن ٷكٸمەت ساعاتتارىن بەكٸتۋ, ٷكٸمەتتٸڭ زاڭ جوباسىنا بالاما زاڭ جوباسىن ۇسىنۋ, پارلامەنتتٸڭ كەز-كەلگەن ٸس-شاراسىنا, مەجٸلٸس پەن سەناتتىڭ بٸرلەسكەن وتىرىسىندا سٶز سٶيلەۋ قۇقىعىنا يە.
پارلامەنت دەپۋتاتتارىنىڭ باستاماسىمەن جاسالعان "قازاقستان پارلامەنتٸ مەن ونىڭ دەپۋتاتتارىنىڭ ونىڭ مەرتەبەسٸ تۋرالى كونستيتۋتسييالىق زاڭعا تولىقتىرۋلار ەنگٸزۋ تۋرالى" زاڭ جوباسى بيىل 13 اقپاندا ٷكٸمەت قاراۋىنا ۇسىنىلعان. ناۋرىزدىڭ 18-ٸندە پارلامەنت مەجٸلٸسٸنٸڭ قاراۋىنا تٷسكەن.
2019 جىلى ماۋسىمدا جاپپاي قارسىلىقپەن جەنە مىڭداعان ادامنىڭ قاماۋعا الىنۋىمەن ٶتكەن پرەزيدەنت سايلاۋىندا جەڭدٸ دەپ ەسەپتەلگەن قازاقستان پرەزيدەنتٸ قاسىم-جومارت توقاەۆ ۇلتتىق قوعامدىق سەنٸم كەڭەسٸن قۇرىپ, ساياسي رەفورمالارعا باستايتىن زاڭدار قابىلداۋعا شاقىراتىنىن مەلٸمدەگەن.
جاقىندا توقاەۆ قۇقىق قورعاۋشىلار مەن قوعام بەلسەندٸلەرٸ "كٶز الداۋ" دەپ باعالاپ, قاتاڭ سىنعا العان "بەيبٸت جيىندار تۋرالى", "ساياسي پارتييالار تۋرالى", "سايلاۋ تۋرالى" زاڭعا قول قويعان.
