پاۆلودار وبلىسىنىڭ عىلىم مەن ونەرىنە سۇبەلى ۇلەس قوسىپ جۇرگەن ازاماتتار كوپشىلىكتىڭ كوكەيىندە جۇرگەن كوپتەگەن ماسەلەلەردىڭ باسىن اشىپ، شەشۋ جولدارىن دا ۇسىندى.
الدىمەن اقىن، قوعام قايراتكەر ارمان قاني ءسوز الدى. اقىن اكىمنىڭ الداعى جۇمىسىنا تولاعاي تابىستار تىلەدى. سونداي-اق، ايماق باسشىسىنىڭ الەۋمەتتىك جەلىلەر ارقىلى حالىقپەن ەتەنە بايلانىستا بولاتىنىنا سەنىم ءبىلدىردى
– الەۋمەتتىك جەلىلەر ۇلكەن ساياسي وي-تالقى تۇسەتىن حالىقارالىق الاڭعا اينالدى. ەندىگى كەزەكتە ءوز ويلارىمدى مەسسەندجەر ارقىلى جازىپ وتىرامىن. ول جاقتا دا ماسەلەلەردى جازىپ، شەشۋگە اتسالىسامىز، – دەيدى ارمان باقتان ۇلى.
بۇدان بولەك، وبلىستىق جازۋشىلار وداعىنىڭ وكىلدەرى ابايدىڭ 175-جىلدىعى اياسىندا شارالار بويىنشا ۇسىنىستارىن ەنگىزدى. بۇل رەتتە وبلىستا اباي قۇنانباي ۇلىنىڭ ەسكەرتكىشى ورناتىلىپ، ءىس-شارالار وتپەكشى. زيالى قاۋىم وكىلدەرى شارالاردىڭ ءمانى مەن رۋحاني ماڭىزدىلىعىنا نازار اۋدار كەرەك ەكەنىن اتاپ ءوتتى.
كەزدەسۋگە قاتىسقان جۋرناليست سەرگەي گوربۋنوۆتىڭ وبلىستاعى باستالعان كوپتەگەن جوبالاردىڭ بولاشاعى الاڭدايتىنىن ءبىلدىردى.
– وبلىسىمىزدا ءىرى سپورت نىساندارى تۇرعىزىلۋدا. مەنى «سپورت سيتي» بولاشاعى الاڭداتادى. اكىم رەتىندە اتالمىش جوبالاردىڭ ىسكە اياقتالۋىنا ات سالىساسىز دەپ ۇمىتتەنەمىن، – دەيدى ارداگەر جۋرناليست.
پاۆلودار مەملەكەتتىك ۋنيۆەرسيتەتىنىڭ قازاق فيلولوگياسى كافەدراسىنىڭ مەڭگەرۋشىسى ايمان زەينۋللينا جۇسىپبەك ايماۋىتوۆ ومىرگە كەلگەن اۋىلداعى جازۋشىنىڭ تۋعاندارى جەرلەنگەن قورىمنىڭ قورشالماعانىن تىلگە تيەك ەتتى. ءوز كەزەگىندە وبلىس باسشىسى بۇل ماسەلە شەشىمىن تاپقانىن، باياناۋىل اۋدانىنىڭ اكىمدىگى قورشاۋعا قاجەتتى قۇرىلىس ماتەريالدارىن بولگەنىن اتاپ ءوتتى.
بيىل ۇلى جەڭىستىڭ 75-جىلدىعى مەرەكەلەنەدى. سوعىس اكەلگەن قاسىرەتتەردىڭ ءبىرى ەرتىس اۋدانىنداعى دۇيسەمبينوۆتار وتباسىسى. ولاردىڭ 7 بىردەي بالاسى مايدانعا اتتانىپ، ورالماعان. «زۆەزدا پرييرتىشيا» گازەتىنىڭ باس رەداكتورى قىزمەتىن ۇزاق جىلدار اتقارعان يۋريي پومينوۆ وسى وقيعاعا نازار سالۋ كەرەكتىگىن ايتتى. ءجۋرناليستىڭ ءسوزىن ءابىلقايىر سقاقوۆ تا قولدادى. اكىمنىڭ ايتۋىنشا، بۇل وتباسىنىڭ تاريحىنا نازار سالىپ، زەرتتەۋ جۇمىستارىن جۇرگىزگەن ءجون.
عىلىم مەن ونەر سالاسىندا ەڭبەك ەتىپ جۇرگەن بەلدى ازاماتتاردىڭ ۇسىنىستارىن وبلىس اكىمى قولداپ، الداعى ۋاقىتتا تاعى دا جينالاتىنىن ايتتى. باستىسى بيىلعى جىلى وتەتىن مەرەيتويلاردىڭ ءمانىن ارتتىرۋعا بىرلەسە ات سالىسۋعا شاقىردى.
– بيىلعى ايتۋلى داتالار جاستارعا تالىم-تاربيە بەرۋ جاعىنان ۇلكەن مانگە يە. ءبىز وبلىس بويىنشا وتكىزىلەتىن ءىس-شارالاردىڭ ءتىزىمىن زيالى قاۋىممەن اقىلداسىپ جاسادىق. ەگەر دە تۇزەتۋلەر ەنگىزۋ كەرەك بولسا، ايتىڭىزدار. سىزدەردىڭ ۇسىنىستارىڭىزعا اشىقپىز.
جيىندى قورىتىندىلاي كەلە ايماق باسشىسى كەز-كەلگەن ماسەلەنىڭ شەشىمىن شىعارعاندا قوعامنىڭ كوزقاراسىنا ۇلكەن نازار سالاتىنىن تاعى دا اتاپ ءوتتى.
