Pavlodar oblysynyń ǵylym men ónerine súbeli úles qosyp júrgen azamattar kópshiliktiń kókeiinde júrgen kóptegen máselelerdiń basyn ashyp, sheshý joldaryn da usyndy.
Aldymen aqyn, qoǵam qairatker Arman Qani sóz aldy. Aqyn ákimniń aldaǵy jumysyna tolaǵai tabystar tiledi. Sondai-aq, aimaq basshysynyń áleýmettik jeliler arqyly halyqpen etene bailanysta bolatynyna senim bildirdi
– Áleýmettik jeliler úlken saiasi oi-talqy túsetin halyqaralyq alańǵa ainaldy. Endigi kezekte óz oilarymdy messendjer arqyly jazyp otyramyn. Ol jaqta da máselelerdi jazyp, sheshýge atsalysamyz, – deidi Arman Baqtanuly.
Budan bólek, oblystyq jazýshylar odaǵynyń ókilderi Abaidyń 175-jyldyǵy aiasynda sharalar boiynsha usynystaryn engizdi. Bul rette oblysta Abai Qunanbaiulynyń eskertkishi ornatylyp, is-sharalar ótpekshi. Ziialy qaýym ókilderi sharalardyń máni men rýhani mańyzdylyǵyna nazar aýdar kerek ekenin atap ótti.
Kezdesýge qatysqan jýrnalist Sergei Gorbýnovtyń oblystaǵy bastalǵan kóptegen jobalardyń bolashaǵy alańdaitynyn bildirdi.
– Oblysymyzda iri sport nysandary turǵyzylýda. Meni «Sport siti» bolashaǵy alańdatady. Ákim retinde atalmysh jobalardyń iske aiaqtalýyna at salysasyz dep úmittenemin, – deidi ardager jýrnalist.
Biyl Uly Jeńistiń 75-jyldyǵy merekelenedi. Soǵys ákelgen qasiretterdiń biri Ertis aýdanyndaǵy Dúisembinovtar otbasysy. Olardyń 7 birdei balasy maidanǵa attanyp, oralmaǵan. «Zvezda Priirtyshia» gazetiniń bas redaktory qyzmetin uzaq jyldar atqarǵan Iýrii Pominov osy oqiǵaǵa nazar salý kerektigin aitty. Jýrnalistiń sózin Ábilqaiyr Sqaqov ta qoldady. Ákimniń aitýynsha, bul otbasynyń tarihyna nazar salyp, zertteý jumystaryn júrgizgen jón.
Ǵylym men óner salasynda eńbek etip júrgen beldi azamattardyń usynystaryn oblys ákimi qoldap, aldaǵy ýaqytta taǵy da jinalatynyn aitty. Bastysy biylǵy jyly ótetin mereitoilardyń mánin arttyrýǵa birlese at salysýǵa shaqyrdy.
– Biylǵy aitýly datalar jastarǵa tálim-tárbie berý jaǵynan úlken mánge ie. Biz oblys boiynsha ótkiziletin is-sharalardyń tizimin ziialy qaýymmen aqyldasyp jasadyq. Eger de túzetýler engizý kerek bolsa, aityńyzdar. Sizderdiń usynystaryńyzǵa ashyqpyz.
Jiyndy qorytyndylai kele aimaq basshysy kez-kelgen máseleniń sheshimin shyǵarǵanda qoǵamnyń kózqarasyna úlken nazar salatynyn taǵy da atap ótti.
