مەرەكە اياسىندا مويناق وڭىرىندە «ارال بالىقتارىنان 99 تاعام ءتۇرى» اتتى گاسترونوميالىق فەستيۆال ۇيىمداستىرىلدى. فەستيۆال وزبەكستاننىڭ بۇكىل اۋماعىندا، سونىڭ ىشىندە قاراقالپاقستاننىڭ مويناق وڭىرىندە گاسترونوميالىق تۋريزم الەۋەتىن كەڭىنەن ناسيحاتتاۋ، وڭىردەگى مادەني-ويىن-ساۋىق ءىس-شارالارىنىڭ سانىن كوبەيتۋ مەن وسى ايماققا كەلەتىن جەرگىلىكتى جانە شەتەلدىك تۋريستەر سانىن ودان ءارى ارتتىرۋ ماقساتىندا وتكىزىلدى.
ودان كەيىن فەستيۆال قوناقتارى مويناق وڭىرىندەگى سۇلەيمەن باقىرعانيدىڭ زيراتىندا بولدى.
![](/uploads/images/20240127172918202.jpg)
30 قىركۇيەكتە نۇكىس قالاسىندا حاكىم اتا (سۇلەيمەن باقىرعاني) داۋىرىندەگى تۇركى حالىقتارىنىڭ مادەني مۇراسىنا ارنالعان حالىقارالىق عىلىمي كونفەرەنسيا ءوتتى.
كونفەرەنسيا وزبەكستان رەسپۋبليكاسىنىڭ پرەزيدەنتى ش.م. ميرزيويەۆتىڭ 2022 جىلدىڭ 23-24 اقپانىندا قاراقالپاقستان رەسپۋبليكاسىنا ساپارى بارىسىندا بەرىلگەن تاپسىرما نەگىزىندە وتكىزىلدى.
كونفەرەنسيا بارىسىندا تالقىلانعان ماسەلەلەر:
- حاكىم اتا (سۇلەيمەن باقىرعاني) داۋىرىندەگى تۇركى حالىقتارىنىڭ مادەني مۇراسى؛
- حاكىم اتا (سۇلەيمەن باقىرعاني) جانە تۇركى حالىقتارىنىڭ ادەبي مۇراسى؛
- ۇلتتىق قۇندىلىقتاردى، وتكەننىڭ ادەبي مۇراسىن جاڭعىرتۋ، اتا-بابامىزدىڭ باي مادەني-رۋحاني ءداستۇرىن تەرەڭ زەردەلەۋگە كوڭىل ءبولۋدى ارتتىرۋ؛
- تۋريزم جانە مادەني مۇرا وبەكتىلەرىن ساقتاۋ ماسەلەلەرى؛
- وزبەكستانعا شەتەلدىك تۋريستەردى تارتۋ، كورىكتى جەرلەرمەن تانىستىرۋ، تاريحي ەسكەرتكىشتەر مەن تاريحي ورىندار تۋرالى ءتۇسىندىرۋ؛
- قازىرگى جاھاندانۋ جانە دۇنيەجۇزىلىك ينتەگراسيا جاعدايىندا ۇلتتىق مادەني مۇرانىڭ ماڭىزدىلىعى.
![](/uploads/images/20240127172918605.jpg)