Mereke aiasynda Moinaq óńirinde «Aral balyqtarynan 99 taǵam túri» atty gastronomiialyq festival uiymdastyryldy. Festival Ózbekstannyń búkil aýmaǵynda, sonyń ishinde Qaraqalpaqstannyń Moinaq óńirinde gastronomiialyq týrizm áleýetin keńinen nasihattaý, óńirdegi mádeni-oiyn-saýyq is-sharalarynyń sanyn kóbeitý men osy aimaqqa keletin jergilikti jáne sheteldik týrister sanyn odan ári arttyrý maqsatynda ótkizildi.
Odan keiin festival qonaqtary Moinaq óńirindegi Súleimen Baqyrǵanidyń ziratynda boldy.
30 qyrkúiekte Núkis qalasynda Hákim ata (Súleimen Baqyrǵani) dáýirindegi túrki halyqtarynyń mádeni murasyna arnalǵan halyqaralyq ǵylymi konferentsiia ótti.
Konferentsiia Ózbekstan Respýblikasynyń Prezidenti Sh.M. Mirziioevtiń 2022 jyldyń 23-24 aqpanynda Qaraqalpaqstan Respýblikasyna sapary barysynda berilgen tapsyrma negizinde ótkizildi.
Konferentsiia barysynda talqylanǵan máseleler:
- Hákim ata (Súleimen Baqyrǵani) dáýirindegi túrki halyqtarynyń mádeni murasy;
- Hákim ata (Súleimen Baqyrǵani) jáne túrki halyqtarynyń ádebi murasy;
- ulttyq qundylyqtardy, ótkenniń ádebi murasyn jańǵyrtý, ata-babamyzdyń bai mádeni-rýhani dástúrin tereń zerdeleýge kóńil bólýdi arttyrý;
- týrizm jáne mádeni mura obektilerin saqtaý máseleleri;
- Ózbekstanǵa sheteldik týristerdi tartý, kórikti jerlermen tanystyrý, tarihi eskertkishter men tarihi oryndar týraly túsindirý;
- qazirgi jahandaný jáne Dúniejúzilik integratsiia jaǵdaiynda ulttyq mádeni muranyń mańyzdylyǵy.
