Kaspii qubyr konsortsiýmynyń eki teńizdegi ailaq qurylǵysynda munai tieý jumystary ushqyshsyz ushý apparatyna qatysty oqiǵadan keiin ýaqytsha toqtatyldy, dep habarlaidy dalanews.kz.
«2026 jylǵy 8 qyrkúiekte KTK terminalyna jaqyn jerde ushqyshsyz ushý apparatyna qatysty oqiǵa boldy. Osyǵan bailanysty VPÝ-3 jáne VPÝ-2 ailaq qurylǵylarynda tieý jumystary toqtatyldy. KTK-nyń júk júieleri men tankerlerdiń jaǵdaiyna qajetti tekserý júrgizilgennen keiin munai tieý jumystaryn jalǵastyrýǵa áser etetin eskertýler anyqtalǵan joq. Qorshaǵan ortaǵa áser etý faktileri tirkelmedi», – dep habarlady Energetika ministrliginiń baspasóz qyzmeti.
Tekserý jumystary aiaqtalǵannan keiin terminaldaǵy munai tieý operatsiialary shtattyq rejimde qaita bastaldy. Qazaqstandyq munai jóneltýshilerden munai qabyldaýǵa eshqandai shekteý engizilgen joq.
BAQ málimetinshe, shabýyl kezinde qazaqstandyq munai tielgen Seaviolet tankeri zaqymdanǵan. Keme VPÝ-3 mańynda bolyp, Teńiz ken ornynan munai tiegen. Zaqym kólemi az bolǵan. Tieý jumystary aiaqtalǵannan keiin tanker porttan ketken.
