عالىمجان مۇستافايەۆ ق ر تۋريزم جانە سپورت مينيسترلىگى ويىن بيزنەسىن جانە لوتەرەيانى رەتتەۋ كوميتەتى ءتوراعاسىنىڭ ورىنباسارى قىزمەتىنە تاعايىندالدى، دەپ جازادى Dalanews.kz.
"ق ر تۋريزم جانە سپورت مينيسترلىگى اپپاراتى باسشىسىنىڭ بۇيرىعىمەن عالىمجان الياكبار ۇلى مۇستافايەۆ ق ر تۋريزم جانە سپورت مينيسترلىگى ويىن بيزنەسىن جانە لوتەرەيانى رەتتەۋ كوميتەتى ءتوراعاسىنىڭ ورىنباسارى قىزمەتىنە تاعايىندالدى"، دەلىنگەن مينيسترلىكتىڭ حابارلاماسىندا.
عالىمجان مۇستافايەۆ 1978 جىلى 7 تامىزدا قىزىلوردا قالاسىندا دۇنيەگە كەلگەن. قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىن (قۇقىقتانۋ)، "بولاشاق" ۋنيۆەرسيتەتىن (ەكونوميكا) ءتامامداعان. ەڭبەك جولىن 1995 جىلى قىزىلوردا قالالىق سوتىنىڭ سوت وتىرىسىنىڭ حاتشىسى، سوت ورىنداۋشىسى بولىپ باستاعان.
2022-2023 جىلدارى ق ر مادەنيەت جانە سپورت مينيسترلىگى تۋريزم يندۋسترياسى كوميتەتى ويىن بيزنەسىن جانە لوتەرەيا قىزمەتىن ۇيلەستىرۋ باسقارماسىنىڭ باسشىسى بولعان.
2023-2024 جىلدارى ق ر تۋريزم جانە سپورت مينيسترلىگى تۋريزم يندۋسترياسى كوميتەتى ويىن بيزنەسى سالاسىنداعى مەملەكەتتىك قىزمەتتەر باسقارماسىنا باسشىلىق ەتسە، 2024 جىلدان باستاپ وسى كەزەڭگە ويىن بيزنەسىن جانە لوتەرەيانى رەتتەۋ كوميتەتى مەملەكەتتىك قىزمەتتەر باسقارماسىنىڭ باسشىسى قىزمەتىن اتقاردى.
ايتا كەتسەك، 2024 جىلى 17 شىلدەدە شىمكەنتتە Instagram ارقىلى زاڭسىز لوتەرەيا ۇيىمداستىرعاندار بلوگەر سوتتالعان ەدى.
