Ǵalymjan Mustafaev QR Týrizm jáne sport ministrligi Oiyn biznesin jáne lotereiany retteý komiteti tóraǵasynyń orynbasary qyzmetine taǵaiyndaldy, dep jazady Dalanews.kz.
"QR Týrizm jáne sport ministrligi apparaty basshysynyń buiryǵymen Ǵalymjan Áliakbaruly Mustafaev QR Týrizm jáne sport ministrligi Oiyn biznesin jáne lotereiany retteý komiteti tóraǵasynyń orynbasary qyzmetine taǵaiyndaldy", delingen ministrliktiń habarlamasynda.
Ǵalymjan Mustafaev 1978 jyly 7 tamyzda Qyzylorda qalasynda dúniege kelgen. Qoja Ahmet Iasaýi atyndaǵy Halyqaralyq qazaq-túrik ýniversitetin (quqyqtaný), "Bolashaq" ýniversitetin (ekonomika) támamdaǵan. Eńbek jolyn 1995 jyly Qyzylorda qalalyq sotynyń sot otyrysynyń hatshysy, sot oryndaýshysy bolyp bastaǵan.
2022-2023 jyldary QR Mádeniet jáne sport ministrligi Týrizm indýstriiasy komiteti Oiyn biznesin jáne lotereia qyzmetin úilestirý basqarmasynyń basshysy bolǵan.
2023-2024 jyldary QR Týrizm jáne sport ministrligi Týrizm indýstriiasy komiteti Oiyn biznesi salasyndaǵy memlekettik qyzmetter basqarmasyna basshylyq etse, 2024 jyldan bastap osy kezeńge Oiyn biznesin jáne lotereiany retteý komiteti Memlekettik qyzmetter basqarmasynyń basshysy qyzmetin atqardy.
Aita ketsek, 2024 jyly 17 shildede Shymkentte Instagram arqyly zańsyz lotereia uiymdastyrǵandar bloger sottalǵan edi.
