Armeniia premer-ministri Nikol Pashinian el azamattarynyń Eýraziialyq ekonomikalyq odaqta (EAEO) qalý nemese Eýroodaqqa bet burý máselesin ózderi sheshýi kerek ekenin málimdedi, dep habarlaidy dalanews.kz.
Ol sailaýshylarmen kezdesý barysynda Armeniiany joǵary gaz baǵasymen nemese ekonomikalyq qysymmen qorqytý durys emes ekenin aitty.
"Armeniia halqynyń tańdaýy bolýy kerek: EAEO quramynda qalý ma, álde Eýroodaq baǵytyn tańdaý ma — ony halyqtyń ózi sheshedi. Meniń mindetim — azamattarǵa osyndai múmkindik berý", — dedi Pashinian.
Premerdiń bul málimdemesine Resei tarapy da jaýap berdi. Resei vitse-premeri Aleksei Overchýk eger Armeniia EAEO-dan shyǵý týraly sheshim qabyldasa, onda Reseimen aradaǵy gaz kelisimderin qaita qaraý máselesi týyndaýy múmkin ekenin aitty.
Onyń sózinshe, eger Armeniia ózin budan bylai Reseimen jáne EAEO-men bir keńistikte kórmese, 2012 jylǵy kelisimderdiń bolashaǵy týraly suraqtar paida bolady.
"Bul — logikalyq ári ádil sheshim", — dedi Overchýk.
Sonymen qatar, reseilik sheneýnik qazirgi tańda barlyq kelisimder óz kúshinde qalyp otyrǵanyn atap ótti.
