Shveitsariiada ótip jatqan hokkeiden 2026 jylǵy álem chempionatynda toptyq kezeń oiyndary tolyq aiaqtaldy. Jarystyń kelesi kezeńine segiz úzdik qurama shyǵyp, shirek final juptary belgili boldy, dep habarlaidy Sportinside.kz.
B tobyndaǵy sheshýshi kezdesýlerdiń birinde Kanada quramasy Chehiiany 3:2 esebimen jeńdi. Kanadalyqtar bul matchta minez kórsetip, kezdesýdiń taǵdyryn úshinshi kezeńde sheshti. Komanda sapynan Maklin Selebrini eki ret mergendigimen kózge tússe, Djon Tavares jeńis golyn soqty.
Selebrini 35 jáne 48-minýttarda shaiba saldy. Al Tavares 50-minýtta Chehiia qaqpasyn dál kózdep, Kanadaǵa mańyzdy jeńis syilady. Chehiia quramasynda Marek Alsher men Dominik Kýbalik gol avtory atandy.
Osy nátijeden keiin Kanada 20 upai jinap, B tobyn birinshi orynmen aiaqtady. Chehiia 13 upaimen úshinshi satyǵa ornalasty.
A tobynda týrnir iesi Shveitsariia Finliandiiamen kezdesip, 4:2 esebimen jeńiske jetti. Alań ieleri sapynan Attilio Biaska, Ken Iager jáne Niko Hishir gol soqty. Ken Iager bul oiynda dýbl jasap, komandasynyń jeńisine úlken úles qosty. Finliandiia quramasynyń eki shaibasyn Aleksandr Barkov engizdi.
Shveitsariia toptyq kezeńde óte senimdi óner kórsetip, múmkin bolǵan 21 upaidyń barlyǵyn jinady. Osylaisha olar óz tobynda birinshi oryn aldy. Finliandiia 18 upaimen ekinshi satyǵa turaqtady.
Álem chempionatynyń shirek finalynda myna quramalar kezdesedi:
- 28 mamyr, 19:20 – Finliandiia – Chehiia;
- 28 mamyr, 19:20 – Kanada – AQSh;
- 28 mamyr, 23:20 – Shveitsariia – Shvetsiia;
- 28 mamyr, 23:20 – Norvegiia – Latviia.
Al Ulybritaniia men Italiia quramalary elitalyq divizionnan shyǵyp qaldy. Kelesi maýsymda olardyń ornyna Qazaqstan men Ýkraina quramalary joǵary divizionda óner kórsetedi.
