ٶسكەمەندە قازاقستان رەسپۋبليكاسى مەسليحاتتارىنىڭ 30 جىلدىق مەرەيتويى قۇرمەتٸنە جەنە الداعى قىركٷيەكتە استانادا جالاۋىن جەلبٸرەتەتٸن V دٷنيەجٷزٸلٸك كٶشپەندٸلەر ويىندارىن قولداۋ ماقساتىندا ەرەكشە سپورتتىق ٸس-شارا ٶتۋدە, دەپ حابارلايدى Dalanews.kz Altainews.kz سايتىنا سٸلتەمە جاساپ.
تٶل ويىنىمىز توعىزقۇمالاقتان ۇيىمداستىرىلعان «اباي جٷلدەسٸ» دەگەن اتاۋعا يە وبلىستىق جارىسقا شىعىس قازاقستاننىڭ اۋدان-قالالارىنان 30-عا جۋىق سپورتشى قاتىستى. اراسىندا جەرگٸلٸكتٸ جەردەگٸ مەسليحاتتاردىڭ دەپۋتاتتارى, قوعامدىق ۇيىمدار مەن بۇقارالىق اقپارات قۇرالدارىنىڭ ٶكٸلدەرٸ دە بولدى. سولاردىڭ بٸرٸ – ۇلاندىق ەركەجان ابرايموۆا.
– مۇنداي جارىستاردى بٸزدەرگە بەرٸلٸپ وتىرعان تاماشا مٷمكٸندٸك دەپ بٸلەمٸن. بۇرىندارى اۋداندا, ٶزٸم سيياقتى پەداگوگتار اراسىندا ٶتەتٸن جارىستارعا قاتىسساق, بٷگٸن ٶزگە ٶڭٸرلەر مەن ٶسكەمەن قالاسىنىڭ توعىزقۇمالاقشىلارىمەن شەبەرلٸك بايقاسۋدىڭ رەتٸ كەلٸپ تۇر. بۇل سايىستا ەڭ ەپتٸ دە ەڭ العىر ويىنشىنىڭ جەڭٸسكە جەتۋٸنە جەنە الداعى رەسپۋبليكالىق جارىستاردا وبلىسىمىزدىڭ نامىسىن ابىرويمەن قورعاۋىنا تٸلەكتەسپٸن, – دەيدٸ ۇلان اۋدانى ماماي باتىر اۋىلىنداعى لومونوسوۆ اتىنداعى ورتا مەكتەپتٸڭ اعىلشىن تٸلٸ پەنٸنٸڭ مۇعالٸمٸ ەركەجان ابرايموۆا.
ەڭ الدىمەن ۇلتتىق ويىنىمىز – توعىزقۇمالاقتى دەرٸپتەۋ ماقساتىندا ۇيىمداستىرىلعان تۋرنيردٸڭ اشىلۋ سالتاناتىنا وبلىستىق مەسليحاتتىڭ تٶراعاسى دەنيس رىپاكوۆ پەن جەرگٸلٸكتٸ توعىزقۇمالاق سپورتى فەدەراتسيياسىنىڭ پرەزيدەنتٸ ەسەنبەردٸ تٶلەۋباي سىندى مەرتەبەلٸ مەيماندار قاتىسىپ, سپورتشىلاردىڭ جارىستىڭ باستالۋىمەن قۇتتىقتادى.
جارىستىڭ باسى-قاسىندا جٷرگەندەردٸڭ ايتۋىنشا, تۋرنيردٸڭ «ابايدىڭ» اتىمەن اتالۋى دا تەگٸن ەمەس. سەبەبٸ, توعىزقۇمالاقتى حاكٸمنٸڭ ٶزٸ سٷيٸپ ويناعان-دى.
– نەگٸزٸ بۇل ويىننىڭ تٶرت مىڭ جىلدىق تاريحى بار. ونى «قويشىلاردىڭ الگەبراسى» دەپ تە اتايدى. ەرينە, ٶسكەلەڭ ۇرپاقتىڭ وي-ٶرٸسٸن دامىتۋعا كٶمەكتەسەتٸن توعىزقۇمالاق سيياقتى ويىندارىمىزدى دەرٸپتەي بەرۋٸمٸز قاجەت. سوندىقتان, قازٸر ەلٸمٸزدٸڭ تٷكپٸر-تٷكپٸرٸندە دەل وسىنداي جارىستار ۇيىمداستىرىلىپ جاتىر. مۇندا جەڭٸسكە جەتكەن توعىزقۇمالاقشىلار استانادا ٶتەتٸن رەسپۋبليكالىق جارىسقا جولداما الادى, – دەيدٸ ە.تٶلەۋباي.
بٸرنەشە كەزەڭنەن تۇراتىن جارىس راپيد جٷيەسٸ بويىنشا ٶتٸپ جاتقانىن ايتۋ كەرەك. جارىسقا قاتىسۋعا نيەت بٸلدٸرگەن اۋداندار مەن قالالاردىڭ كوماندالارى بٸلٸمدٸلەر مەن زەيٸندٸلەر بەيگەسٸنە تٶرت ويىنشىدان قوسقان. تۋرنير شارتى بويىنشا ونىڭ ەكەۋٸ ەر, ەكەۋٸ ەيەل ادام بولۋعا تيٸس.
تۋرنير قورىتىندىسى بويىنشا جەڭٸمپازدار مەن جٷلدەگەرلەر مەدالدارمەن, العىس حاتتارمەن جەنە باعالى سىيلىقتارمەن ماراپاتتالادى.
