نۇرەلٸ ەليەۆ "ترانستەلەكومداعى" ٷلەسٸن ساتۋدان بۇرىن قوماقتى ديۆيدەند الىپ ٷلگەرگەن. قاڭتار ايىنىڭ سوڭىندا اكتسيونەرلەر 2023 جىلعى تازا پايدانىڭ 6 ملرد تەڭگەسٸن ديۆيدەندكە باعىتتاۋدى ماقۇلداعان. بۇل سومانىڭ 4,5 ملرد تەڭگەسٸ 31 قاڭتاردا تٶلەنگەن, دەپ جازادى Dalanews.kz.
ول تۇستا ەليەۆ پەن ونىڭ سەرٸكتەسٸ دميتريي پوكۋپاتەلەۆكە تيەسٸلٸ Unit Telecom كومپانيياسى "ترانستەلەكومنىڭ" 75 پايىزىن يەلەنٸپ وتىرعان ەدٸ.
ەگەر وسى 75 پايىز شامامەن تەڭ بٶلٸسكە تٷستٸ دەپ توپشىلاساق, وندا 4,5 ملرد تەڭگەنٸڭ جارتىسى (2,25 ملرد تەڭگە) ەليەۆتٸڭ ەسەپ-شوتىنا اۋدارىلعان.
كٷنٸ كەشە عانا نازارباەۆتىڭ جيەنٸ "ترانستەلەكومداعى" ٷلەسٸن تولىق ساتقانىن مەلٸمدەگەن. ەليەۆتٸڭ كەتۋٸمەن كومپانييانىڭ ديرەكتورلار كەڭەسٸ جاڭارىپ, قۇرامعا Jusan Mobile ٶكٸلدەرٸ ەندٸ. ۇيىمنىڭ تٷپكٸ بەنەفيتسيارى – كەسٸپكەر عالىمجان ەسەنوۆ.
ەليەۆتٸڭ قازٸرگٸ تۇرعىلىقتى مەكەنٸ اراب ەمٸرلٸكتەرٸ دەپ تۇسپالدايمىز. استانا ەكٸمٸنٸڭ ورىنباسارى بولعان تۇستا (2014-2016 ج) نۇرەلٸ شەتەلدٸك ينۆەستيتسيياعا جاۋاپ بەرگەن. سول جىلدارى ەبۋ-دابي شەيحٸ ەل-ناقايانمەن جيٸ جٷزدەسكەن ەليەۆ ٶزٸنٸڭ Capital Holding كومپانيياسى ارقىلى ەميراتتاعى جىلجىمايتىن مٷلٸككە ينۆەستيتسييانى ٷيٸپ-تٶكتٸ دەۋگە نەگٸز بار.
