قالا ەكٸمٸ التاي كٶلگٸنوۆتٸڭ ايتۋىنشا, بۇل 2020 جىلمەن سالىستىرعاندا ەكٸ ەسە, ال 2019 جىلدان تٶرت ەسە كٶپ.
ەلوردادا جىل سايىن ٸشكٸ كٶشٸ-قون ەسەبٸنەن دە, تۋۋ كٶرسەتكٸشٸ ەسەبٸنەن دە قالا تۇرعىندارىنىڭ سانى ٶسٸپ كەلەدٸ. مىسالعا 2010 جىلى قالا مەكتەپتەرٸندە 74 مىڭ وقۋشى بٸلٸم السا, قازٸر 193 مىڭ وقۋشى بٸلٸم الۋدا. جىل سايىن بٸرٸنشٸ سىنىپ وقۋشىلارىنىڭ سانى ٶسٸپ كەلەدٸ. مىسالى, 2019 جىلى 5,5 مىڭنان استام تٷلەك مەكتەپ بٸتٸرسە, بٸرٸنشٸ سىنىپقا 24,5 مىڭعا جۋىق بٷلدٸرشٸن كەلدٸ. ال 2020 جىلى 6,6 مىڭ تٷلەك بولسا, بٸرٸنشٸ سىنىپقا 21 مىڭنان استام بالا كەلدٸ.
2030 جىلعا قاراي نۇر-سۇلتاندا 400 مىڭعا جۋىق وقۋشى بولادى دەپ ويلاپ وتىرمىز. ەرينە, بۇل تاماشا كٶرسەتكٸش, تيٸسٸنشە مەكتەپتەردٸڭ كٶبٸرەك اشىلۋىن تالاپ ەتەدٸ.
بٸز ٸرٸ مەكتەپتەردٸڭ قۇرىلىسىنا كٶشتٸك. بٸلٸم مەكەمەلەرٸ قالانىڭ بارلىق اۋدانىندا, سونىڭ ٸشٸندە تۇرعىن ٷي ماسسيۆتەرٸندە سالىنىپ جاتىر. قاجەتتٸلٸگٸ بار اۋداندارعا ەرەكشە نازار اۋدارىلادى, - دەدٸ ەلوردا ەكٸمٸ التاي كٶلگٸنوۆ وكق-دا ٶتكەن بريفينگتە.
ەكٸمنٸڭ ايتۋىنشا, ەلوردادا 2019 جىلى 6 مەكتەپ, ال 2020 جىلى 11 مەكتەپ سالىنسا, بيىل 15 مەكتەپ سالىنادى. بۇل جاڭادان 40 مىڭ وقۋشى ورنىن اشۋعا مٷمكٸندٸك بەرەدٸ. ەگەر سالىستىرمالى تٷردە قاراساق, بۇل 2020 جىلدان ەكٸ ەسە, ال 2019 جىلدان تٶرت ەسە كٶپ.
الداعى بەس جىلعا ەلوردادا 67 مەكتەپتٸڭ قۇرىلىسى جوسپارلانىپ وتىر. وقۋ ورىندارىنىڭ قۇرىلىسى جەكە ينۆەستيتسييالاردى تارتۋ ەسەبٸنەن دە جٷرگٸزٸلۋدە. بولاشاق پەداگوگتاردى ىنتالاندىرۋ ماقساتىندا گرانتتار سانى ۇلعايتىلدى. جىل سايىن ورتا ارناۋلى وقۋ ورىندارىندا وقۋعا كەمٸندە 800 گرانت, ال جوعارى بٸلٸم الۋعا تاعى 300 گرانت بٶلۋ جوسپارلانىپ وتىر, - دەيدٸ ول.
