Qala ákimi Altai Kólginovtiń aitýynsha, bul 2020 jylmen salystyrǵanda eki ese, al 2019 jyldan tórt ese kóp.
Elordada jyl saiyn ishki kóshi-qon esebinen de, týý kórsetkishi esebinen de qala turǵyndarynyń sany ósip keledi. Mysalǵa 2010 jyly qala mektepterinde 74 myń oqýshy bilim alsa, qazir 193 myń oqýshy bilim alýda. Jyl saiyn birinshi synyp oqýshylarynyń sany ósip keledi. Mysaly, 2019 jyly 5,5 myńnan astam túlek mektep bitirse, birinshi synypqa 24,5 myńǵa jýyq búldirshin keldi. Al 2020 jyly 6,6 myń túlek bolsa, birinshi synypqa 21 myńnan astam bala keldi.
2030 jylǵa qarai Nur-Sultanda 400 myńǵa jýyq oqýshy bolady dep oilap otyrmyz. Árine, bul tamasha kórsetkish, tiisinshe mektepterdiń kóbirek ashylýyn talap etedi.
Biz iri mektepterdiń qurylysyna kóshtik. Bilim mekemeleri qalanyń barlyq aýdanynda, sonyń ishinde turǵyn úi massivterinde salynyp jatyr. Qajettiligi bar aýdandarǵa erekshe nazar aýdarylady, - dedi elorda ákimi Altai Kólginov OKQ-da ótken brifingte.
Ákimniń aitýynsha, elordada 2019 jyly 6 mektep, al 2020 jyly 11 mektep salynsa, biyl 15 mektep salynady. Bul jańadan 40 myń oqýshy ornyn ashýǵa múmkindik beredi. Eger salystyrmaly túrde qarasaq, bul 2020 jyldan eki ese, al 2019 jyldan tórt ese kóp.
Aldaǵy bes jylǵa elordada 67 mekteptiń qurylysy josparlanyp otyr. Oqý oryndarynyń qurylysy jeke investitsiialardy tartý esebinen de júrgizilýde. Bolashaq pedagogtardy yntalandyrý maqsatynda granttar sany ulǵaityldy. Jyl saiyn orta arnaýly oqý oryndarynda oqýǵa keminde 800 grant, al joǵary bilim alýǵa taǵy 300 grant bólý josparlanyp otyr, - deidi ol.
