نۇر-سۇلتاندا بالاباقشاداعى تاماق ساپاسىنا قاتىستى شاعىمدار ازايدى
توپقا «ادالدىق الاڭى» جوباسى مەن «نۇر وتان» پارتيياسىنىڭ ٶكٸلدەرٸ, تانىمال بلوگەرلەر مەن قوعام بەلسەندٸلەرٸ تارتىلادى.
قالالىق بٸلٸم باسقارماسى بۇل شاراعا اتا-انالاردى دا قاتىسۋعا شاقىرادى.
توپقا مٷشە بولۋ ٷشٸن وسى مەكەمەنٸڭ سايتىندا ٶتٸنٸش قالدىرۋ كەرەك. سونىمەن قاتار تالاپ بويىنشا مەكتەپ جاسىنا دەيٸنگٸ بالاسى مەن سانيتارلىق كٸتاپشاسى بولۋى مٸندەتتٸ. بٷگٸن ٶتٸنٸشتەردٸ قابىلداۋ باستالدى. وسى اپتانىڭ سوڭىنا دەيٸن وعان قاتىسۋشىلاردىڭ تٸزٸمٸ جاسالادى.
ال, كەلەسٸ جەتٸدەن باستاپ, مەكتەپكە دەيٸنگٸ مەكەمەلەردٸڭ اسحانالارىنداعى تاماق ساپاسىن تەكسەرۋ باستالادى.
– بىلتىرعىعا قاراعاندا شاعىمدار سانى 35 پايىزعا ازايدى. وسى جۇمىستى بٸز جالعاستىرامىز. قالالىق مونيتورينگ توبىن مەكتەپكە دەيٸنگٸ ۇيىمداردا تاماقتاندىرۋ ساپاسىن قاداعالاۋ ماقساتىندا كەڭەيتٸپ وتىرمىز. بەلسەندٸ اتا-انالاردى وسى جۇمىسقا ات سالىسۋعا شاقىرامىز.
