Nur-Sultanda balabaqshadaǵy tamaq sapasyna qatysty shaǵymdar azaidy
Topqa «Adaldyq alańy» jobasy men «Nur Otan» partiiasynyń ókilderi, tanymal blogerler men qoǵam belsendileri tartylady.
Qalalyq bilim basqarmasy bul sharaǵa ata-analardy da qatysýǵa shaqyrady.
Topqa múshe bolý úshin osy mekemeniń saitynda ótinish qaldyrý kerek. Sonymen qatar talap boiynsha mektep jasyna deiingi balasy men sanitarlyq kitapshasy bolýy mindetti. Búgin ótinishterdi qabyldaý bastaldy. Osy aptanyń sońyna deiin oǵan qatysýshylardyń tizimi jasalady.
Al, kelesi jetiden bastap, mektepke deiingi mekemelerdiń ashanalaryndaǵy tamaq sapasyn tekserý bastalady.
– Byltyrǵyǵa qaraǵanda shaǵymdar sany 35 paiyzǵa azaidy. Osy jumysty biz jalǵastyramyz. Qalalyq monitoring tobyn mektepke deiingi uiymdarda tamaqtandyrý sapasyn qadaǵalaý maqsatynda keńeitip otyrmyz. Belsendi ata-analardy osy jumysqa at salysýǵa shaqyramyz.
