وسى ورايدا, بٸزدٸڭ اۋىلىمىزدان الىستاۋ بولسا دا, تاسىمالى بار الماتى وبلىسى, قاراساي اۋدانى, ەلتاي اۋىلدىق وركۋگٸ, بەرەكە اۋىلىندا ورنالاسقان جشس «نۇر-باعىم» بٶبەكجاي-بالاباقشاسى تۋرالى ايتقىم كەلەدٸ. باسشىلىق, تەربيەشٸلەرٸ بەرٸ ٶتە بٸلٸمدٸ, ناعىز ٶز ٸسٸنٸڭ ماماندارى. ٶتە ٷلكەن ەرٸ زاماناۋي جابدىقتالعان بالاباقشادا بالا ٶتە كٶپ. بارلىق بالانىڭ جاعدايى جاسالعان. ساباق وقيتىن, وينايتىن, ۇيىقتايتىن, سپورتقا, مەرەكەلٸك شارالار, جيىن ٶتەتٸن مەجٸلٸس زالدارى بەرٸ بٶلەك-بٶلەك جاسالعان. اۋلاسىنداعى ارنايى بالالار الاڭى دا جاڭادان جاسالعان. بالالار تالاسپاي وينايتىنداي, كەڭ, ەدەمٸ ەتٸپ دايىنداعان. قاۋٸپسٸزدٸك شارالارىن ەسكەرٸپ, قاتتى بيٸك ەمەس سىرعاناق, ەتكەنشەك, اينالمالى ەتكەنشەكتەر, سان تٷرلٸسٸن قويعان.
ٶزٸمنٸڭ عانيبەت بالام وسى باقشاداعى «تٷيمەداق» توبىنىڭ تەربيەشٸسٸ ماقسۇتوۆا گٷلجان ساتىبالدىقىزىنىڭ توبىنا باردى.
گٷلجان اپايدىڭ بالاعا دەگەن قامقورلىعى, ماحابباتى, مەيٸرٸمٸ, بٸلٸكتٸلٸگٸ, بٸلٸمٸ سەزٸلٸپ تۇرادى. ەرەسەك توپ بولعاندىقتان, مەكتەپالدى دايارلىق ساباقتارىن وقىتادى. كٷندە جۇمىسقا گٷلجان اپاي جوعارى دەڭگەيدە دايىندىقپەن كەلەتٸنٸن بايقايمىن. كٶرنەكٸلٸك قۇرالدارى بارلىعى كەرەمەت. ٷيلەستٸرۋ جۇمىستارىنا جاقسى كٶڭٸل بٶلەدٸ. ارنايى اشىق ساباقتار ٶتكٸزٸپ, اۋىرىپ قالسا, كٷندە حال-جاعدايىن سۇراپ, حابارلاسىپ, ۋاقىت تاۋىپ اتا-انالارمەن كٷندە بايلانىستا وتىرادى. كٷندە ەرتەگٸسٸن ايتىپ ۇيىقتاتادى. جاس ەرەكشەلٸگٸنە قاراي بالا نەنٸ يگەرۋٸ تيٸس, سونىڭ بارلىعىن قامتيدى. ٶز جۇمىسىنا ماحابباتپەن قارايتىن گٷلجان اپايعا ريزامىز. جان-تەنٸمەن بەرٸلٸپ, بالالارىم دەپ, توبىنىڭ قامىن العا قويىپ, ەرقاشان بٸرٸنشٸ بولايىق دەپ جٷرەدٸ. قانداي تاماق بەرٸلەدٸ سونى دا اتا-انالار بٸلٸپ وتىرامىز.
بالانىڭ ٶسٸپ-دامىپ جاتقانىن كٶرۋ, العا ۇمتىلىسىن اڭعارىپ, «بولار بالانىڭ بەلٸن بۋىپ» قاناتتاندىرىپ وتىراتىن وسىنداي تەربيەشٸلەر كٶپ بولسا, بالانىڭ باعى ەمەس پە?! بالاباقشاداعى ٷيٸرمەلەرگە دە بالانىڭ تالانتىنا قاراي, انالارىمەن اقىلداسىپ, قايسىسىنا بەرگەن دۇرىس, بالانىڭ قابٸلەتٸ قانداي ەكەنٸن ايتىپ, بٸزدەرگە باعىت-باعدار بەرٸپ وتىرادى. بالا تەربيەشٸسٸنٸڭ قاسىندا اپتانىڭ 5 كٷنٸن, تاڭنان كەشكە دەيٸن جٷرەدٸ, ٷيدە انالارى بايقاماعاندى باقشاداعى اپايلارى بايقايدى. ٶزگە دە بالاباقشالارعا بٸزدٸڭ گٷلجان اپاي سيياقتى تەربيەشٸ قىزمەتكەرلەردٸڭ كٶپ بولۋىن تٸلەيمٸن.
گٷلجان اپايعا زور العىسىمدى بٸلدٸرەمٸن. وتباسىنا اماندىق, دەنٸنە ساۋلىق, قاجىماس قايرات تٸلەيمٸن. ەڭبەگٸ ەلەنٸپ, قىزمەتتە تەك جوعارىلاي بەرسە ەكەن. سٸزدەي تەربيەشٸسٸ بار اتا-انالار, بٸزدەر باقىتتىمىز.
«تٷيمەداق» توبىنىڭ تەربيەلەنۋشٸسٸ
عانيبەت شەرالىنىڭ اناسى
ەڭلٸك اقجٸگٸت
