اتالمىش جوباعا قاتىسۋعا قازاقستان، قىرعىزستان، وزبەكستان، ءازىربايجان جانە رەسەيدەن 4000 ۇمىتكەر ءوتىنىش بىلدىرگەن، ونىڭ ىشىندە باعدارلاماعا 200 ۇزدىك ازىرلەۋشى شاقىرىلدى.
10 اپتانىڭ قورىتىندىسى بويىنشا ينكۋباتور قاتىسۋشىلارى ەلدە بۇرىن-cوڭدى جاسالماعان web3 قوسىمشالارىن، سونداي-اق قازاقستاننىڭ تاريحى مەن گەوگرافياسىن زەرتتەۋگە ارنالعان ويىنداردى، قازاق مۋزىكاسى مەن پوەزياسىن ناسيحاتتاۋعا، ەكولوگيالىق مادەنيەتتى ناسيحاتتاۋعا ارنالعان قوسىمشالاردى جاساعان. بۇل شىعارىلىمدا قاتىسۋشىلاردىڭ ۆەب قوسىمشالارىنا شولۋ جاساپ وتسەك دەيمىز.
تويدا، تۋعان كۇندە تىلەك ايتۋ قيىندىق تۋدىرسا، جاتتاندى «اشىق اسپان»، «مول باقىتتان» باسقا ەشنارسە ويىڭىزعا كەلمەسە، «Toast master» سىزگە كومەككە كەلەدى. بۇل قوسىمشانى جازعى ينكۋباتور قاتىسۋشىسى، تالانتتى كاسىپكەر عالىم بايتىمبەتوۆ جاساندى ينتەللەكتكە نەگىزدەپ ويلاپ تاپقان.
«ۆەب قوسىمشا قازاق تىلىندە سىزگە ادەمى تىلەك جازىپ بەرەدى. قوسىمشا قازاق تىلىندەگى بار تىلەكتەر نەگىزىندە جۇمىس جاسايدى. مۇنداي قوسىمشا ءبىزدىڭ ەلىمىزدە بۇرىن سوڭدى بولماعان. ابدەن جاۋىر بولعان «اشىق اسپان، مول باقىت تىلەيمىن» دەگەن تىلەكتەر كوپ ەشكىمگە قىزىق ەمەس. ءبىزدىڭ قوسىمشا ءسىز ءۇشىن ەڭ قىزىقتى، كرەاتيۆتى تىلەكتى قۇراستىرىپ بەرەدى»،-دەدى اۆتور.
ەگەر ءسىز عالىمنىڭ جوباسىنا ءوز ۇلەسىڭىزدى قوسقىڭىز كەلسە، ءوزىڭىزدىڭ تىلەگىڭىزبەن بولىسسەڭىز بولادى.
مۋزىكانتتاردىڭ دومبىرا مەن قوبىزدى گيتارا تيۋنەرىن قولدانۋ ارقىلى كۇيگە كەلتىرەتىنىن بىلەسىز بە؟ بۇدان شارشاعان ينكۋباتوردىڭ جەڭىمپازى باۋىرجان ابەنوۆ دومبىرا، قوبىز جانە پريما-قوبىزعا ارنالعان ۆەب-تيۋنەر دايىنداپ شىعاردى. ول ءۇشىن نوۋتبۋگىڭىزدىڭ جانىندا نوتانى ويناپ كورىڭىز، ال باۋىرجاننىڭ كودى سول ساتتە دىبىستى كومپيۋتەر تۇسىنەتىن جيىلىككە اۋدارادى. فۋنكيسونالدان بولەك، سايتتىڭ ادەمى ديزاينىندا كوزدىڭ جاۋىن الاتىن تۇستەر، دومبىرانىڭ باسى مەن قۇلاعى كورسەتىلگەن گرافيكا، نوتالارعا تاڭدالعان شريفت پەن انيماسيالار دا بار.
سونداي-اق باۋىرجاننىڭ جوسپارىندا قوسىمشاعا بارىنشا كوپ ۇلتتىق اسپاپتاردى قوسىپ، ونى ءموبيلدى قۇرىلعىلارعا بەيىمدەۋ بار.
تاعى ءبىر ەرەكشە جوبانى ۇسىنعان 17 جاستاعى جىبەك راحىمبەك قىزى Apple كومپانياسىنىڭ سوڭعى تەحنولوگياسى – SwiftUI نەگىزىندە ءموبيلدى قوسىمشانى جاساۋعا كومەكتەسەتىن تانىمدىق ويىن جاسادى.
سىزگە ەندى IOS قولدانبالارىن قۇرۋدى ۇيرەنۋ ءۇشىن قىمبات كومپيۋتەر ساتىپ الۋدىڭ قاجەتى جوق، نەبارى 12 دەڭگەيدەن تۇراتىن ۆەب قوسىمشاعا كىرىپ، تانىمدىق ويىندى ويناپ ۇيرەنسەڭىز جەتكىلىكتى. سونىمەن قاتار كاسىبي ازىرلەۋشىلەر جىبەكتىڭ قوسىمشاسىندا رەداكتوردا جۇمىس ىستەگەندە اۆتوتولتىرۋ فۋنكسياسى دا ەكەنىن اتاپ وتەدى.
nFactorial جازعى لاگەرى ءار جاز سايىن وتكىزىلەدى، جوبا ۇيىمداستىرۋشىلارى مەن قاتىسۋشىلار مۇنداي قارقىنمەن ەڭبەكتەنسە، ەلىمىزدىڭ IT سالاسى ايتارلىقتاي دامىپ، جاقسى ناتيجەلەرگە جەتەدى. ەستەرىڭىزگە سالا كەتسەك، nFactorial Incubator باعدارلاماسىنىڭ باستى ماقساتى – وتاندىق IT قىزمەتتەرىن ەكسپورتتاۋ جانە ساتۋ ارقىلى قازاقستان ەكونوميكاسىنا 1 ميلليارد اقش دوللارىن اكەلەتىن 10 000 كاسىبي باعدارلاماشىلاردان تۇراتىن ارنايى جاساق
