Atalmysh jobaǵa qatysýǵa Qazaqstan, Qyrǵyzstan, Ózbekstan, Ázirbaijan jáne Reseiden 4000 úmitker ótinish bildirgen, onyń ishinde baǵdarlamaǵa 200 úzdik ázirleýshi shaqyryldy.
10 aptanyń qorytyndysy boiynsha Inkýbator qatysýshylary elde buryn-cońdy jasalmaǵan web3 qosymshalaryn, sondai-aq Qazaqstannyń tarihy men geografiiasyn zertteýge arnalǵan oiyndardy, qazaq mýzykasy men poeziiasyn nasihattaýǵa, ekologiialyq mádenietti nasihattaýǵa arnalǵan qosymshalardy jasaǵan. Bul shyǵarylymda qatysýshylardyń veb qosymshalaryna sholý jasap ótsek deimiz.
Toida, týǵan kúnde tilek aitý qiyndyq týdyrsa, jattandy «ashyq aspan», «mol baqyttan» basqa eshnárse oiyńyzǵa kelmese, «Toast master» sizge kómekke keledi. Bul qosymshany jazǵy Inkýbator qatysýshysy, talantty kásipker Ǵalym Baitimbetov jasandy intellektke negizdep oilap tapqan.
«Veb qosymsha qazaq tilinde sizge ádemi tilek jazyp beredi. Qosymsha qazaq tilindegi bar tilekter negizinde jumys jasaidy. Mundai qosymsha bizdiń elimizde buryn sońdy bolmaǵan. Ábden jaýyr bolǵan «ashyq aspan, mol baqyt tileimin» degen tilekter kóp eshkimge qyzyq emes. Bizdiń qosymsha siz úshin eń qyzyqty, kreativti tilekti qurastyryp beredi»,-dedi avtor.
Eger siz Ǵalymnyń jobasyna óz úlesińizdi qosqyńyz kelse, ózińizdiń tilegińizben bólisseńiz bolady.
Mýzykanttardyń dombyra men qobyzdy gitara tiýnerin qoldaný arqyly kúige keltiretinin bilesiz be? Budan sharshaǵan Inkýbatordyń jeńimpazy Baýyrjan Ábenov dombyra, qobyz jáne prima-qobyzǵa arnalǵan veb-tiýner daiyndap shyǵardy. Ol úshin noýtbýgińizdiń janynda notany oinap kórińiz, al Baýyrjannyń kody sol sátte dybysty kompiýter túsinetin jiilikke aýdarady. Fýnkitsonaldan bólek, saittyń ádemi dizainynda kózdiń jaýyn alatyn túster, dombyranyń basy men qulaǵy kórsetilgen grafika, notalarǵa tańdalǵan shrift pen animatsiialar da bar.
Sondai-aq Baýyrjannyń josparynda qosymshaǵa barynsha kóp ulttyq aspaptardy qosyp, ony mobildi qurylǵylarǵa beiimdeý bar.
Taǵy bir erekshe jobany usynǵan 17 jastaǵy Jibek Rahymbekqyzy Apple kompaniiasynyń sońǵy tehnologiiasy – SwiftUI negizinde mobildi qosymshany jasaýǵa kómektesetin tanymdyq oiyn jasady.
Sizge endi IOS qoldanbalaryn qurýdy úirený úshin qymbat kompiýter satyp alýdyń qajeti joq, nebári 12 deńgeiden turatyn veb qosymshaǵa kirip, tanymdyq oiyndy oinap úirenseńiz jetkilikti. Sonymen qatar kásibi ázirleýshiler Jibektiń qosymshasynda redaktorda jumys istegende avtotoltyrý fýnktsiiasy da ekenin atap ótedi.
nFactorial jazǵy lageri ár jaz saiyn ótkiziledi, joba uiymdastyrýshylary men qatysýshylar mundai qarqynmen eńbektense, elimizdiń IT salasy aitarlyqtai damyp, jaqsy nátijelerge jetedi. Esterińizge sala ketsek, nFactorial Incubator baǵdarlamasynyń basty maqsaty – otandyq IT qyzmetterin eksporttaý jáne satý arqyly Qazaqstan ekonomikasyna 1 milliard AQSh dollaryn ákeletin 10 000 kásibi baǵdarlamashylardan turatyn arnaiy jasaq
