اقتاۋ قالاسىنىڭ ورتالىعىندا ورنالاسقان بوتانيكالىق باقتىڭ 50 جىلدىق تاريحى بار. 29 گەكتار جەردى الىپ جاتقان باقتا 1300-دەن استام جاسىل-جەلەكتىڭ ءتۇرى وسەدى.
ونىڭ ىشىندە قىلقان جاپىراقتى وسىمدىكتىڭ 53 ءتۇرى، وزگەاۋداندىق وسىمدىكتىڭ 309 ءتۇرى، جەمىس-جيدەكتىڭ 127 ءتۇرى بار. سونداي-اق 95ء-ى جەرگىلىكتى فلورا بولسا، 487 ءتۇرى گۇلدى وسىمدىكتەر. بوتانيكالىق ب ا ق كوللەكسياسىندا راۋشان گۇلدىڭ 146 ءتۇرى بار.
بوتانيكالىق ب ا ق ديرەكتورى ءاقجۇنىس يمانبايەۆانىڭ ايتۋىنشا، باقتاعى وسىمدىكتەر دۇنيەجۇزىلىك بوتانيكالىق باقتار مەن ورتالىقتاردىڭ گەنوفوندىنان اكەلىنگەن.
وڭىرىمىزگە اكەلىنگەن وسىمدىكتەر الدىمەن بەيىمدەلۋ سىناعىنان وتەدى، سودان كەيىن ولاردان اسسورتيمەنت ازىرلەنەدى، كەيىن كوگالداندىرۋعا سىناقتان ءساتتى وتكەن وسىمدىك تۇرلەرى ۇسىنىلادى.
سونداي-اق ءاقجۇنىس يمانبايەۆا قالا اۋماعىن اباتتاندىرۋدا بوتانيكالىق ب ا ق ماماندارى جەرگىلىكتى اتقارۋشى ورگاندارعا كومەك كورسەتۋگە دايىن ەكەنىن ايتا كەلە، اقتاۋ كوشەلەرىنە باقتا وسەتىن وسىمدىكتەردىڭ بارلىق ءتۇرىن، سونىڭ ىشىندە 200-دەن استام اعاش، 250-دەن استام وسىمدىك سورتىن وسىرۋگە بولاتىنىن ايتتى.
ول ءۇشىن ايماقتىڭ ەكولوگيالىق ەرەكشەلىكتەرىن ەسكەرە وتىرىپ، جاسىل جەلەكتەردى كۇتىپ-باپتاۋدىڭ عىلىمي دالەلدەنگەن ادىستەرىن قولدانۋ قاجەت.
جۇمىس ساپارىنىڭ قورىتىندىسى بويىنشا وبلىس اكىمى جاۋاپتى تۇلعالارعا بوتانيكالىق ب ا ق ماماندارىنىڭ تاجىريبەسىن پايدالانىپ، قالا اۋماعىن كوگالداندىرۋدا عىلىمي تاسىلدەردى قولدانۋدى تاپسىردى.
