"قازاقستاندىقتار دوللارعا دەگەن پسيحولوگييالىق تەۋەلدٸلٸكتەن ارىلۋعا تيٸس". ۇلتتىق بانك باسشىسى تيمۋر سٷلەيمەنوۆ ٶزٸن قاۋمالاپ, سۇراقتىڭ استىنا العان جۋرناليستەر قاۋىمىنا وسىلاي دەپ جاۋاپ بەردٸ, دەپ جازادى Dalanews.kz.
"مەن تاڭەرتەڭ تۇرا سالىپ, دوللار باعامىنا قارامايمىن. بيرجاداعى ساۋدا-ساتتىق الدىندا ساعات 10.00 شاماسىندا كٶز سالامىن. ٶيتكەنٸ وسى كەزدە مەنٸڭ تەلەفونىما قىسقاشا مەلٸمەت كەلەدٸ. جۇمىسىم, كەسٸبٸم بولعان سوڭ دوللاردىڭ باعامىنا قاراۋىم كەرەك. ال بىلاي, دوللار دەپ باسىمدى اۋىرتپايمىن. بٸزدە جالاقى تەڭگەمەن تٶلەنەدٸ, دەپوزيتتەر تەڭگەمەن ساقتالادى, باعالار تەڭگەدە بەلگٸلەنەدٸ. سٶيتٸپ دوللارعا قاراۋ... كٸمگە قىزىق, سول كٶرسٸن. بۇل پسيحولوگييالىق تەۋەلدٸلٸكتەن, مەنٸڭ ويىمشا, بٸرتە-بٸرتە ارىلۋ كەرەك", - دەدٸ سٷلەيمەنوۆ جۋرناليستەرگە ۇلتتىق بانكتٸڭ دەلٸزٸندە بەرگەن پٸكٸرٸندە.
ونىڭ ايتۋىنشا, قوعام نازارى دوللاردا بولعانىمەن, ەۆرونى كٶبٸنە ەلەي بەرمەيدٸ.
ۇلتتىق بانك تٶراعاسى بۇل رەتتە حالىقارالىق تٶلەم اينالىمىن قامتاماسىز ەتەتٸندٸكتەن دوللار جايى, سٶزسٸز ماڭىزدى ەكەنٸن اتاپ ٶتتٸ.
"بٸراق قازاقستاندىققا دوللاردىڭ ورتاشا باعامى تٸكەلەي سونشالىقتى قاتتى ەسەر ەتپەيتٸن بولار. ونىڭ يمپورتتالاتىن تاۋارلار ارقىلى ەسەر ەتۋٸ مٷمكٸن, ول جاعى تٷسٸنٸكتٸ. سوندىقتان بٸز ٷنەمٸ: يمپورتقا تەۋەلدٸلٸكتٸ نەعۇرلىم تەز تٶمەندەتسەك, ۇلتتىق تاۋار ٶندٸرۋشٸلەرگە نەعۇرلىم باسىمدىق بەرسەك, سوعۇرلىم يمپورت قانشا بولادى دەپ قاتتى الاڭدامايمىز. سوندىقتان مەنٸڭ ەرتە تۇرا سالىپ, دوللار باعامىن قارايتىن ەدەتٸم جوق: مەن دوللاردى مٷلدەم ساتىپ المايمىن. تەك شەتەلگە بارىپ جاتسام, سول كەزدە ەندٸ كەرەك بولۋى مٷمكٸن. ال جالپى بٸزدە بارلىعى تەڭگەمەن عوي", - دەپ اتاپ ٶتتٸ سٷلەيمەنوۆ.
سونداي-اق ۇلتتىق بانك باسشىسى ۇلتتىق ۆاليۋتا مەملەكەت ەگەمەندٸگٸنٸڭ نىشاندارىنىڭ بٸرٸ بولىپ تابىلاتىنىن ەسكە سالدى.
