Halyk Finance ساراپشىلارى 2026 جىلدىڭ سوڭىنا قاراي تەڭگە باعامى السىرەۋى مۇمكىن ەكەنىن مالىمدەدى، دەپ حابارلايدى Dalanews.kz.
ولاردىڭ بولجامىنشا، جىل سوڭىنا دەيىن دوللار باعاسى 540 تەڭگەگە دەيىن كوتەرىلۋى ىقتيمال.
مامانداردىڭ ايتۋىنشا، تەڭگەنىڭ قازىرگى كۇشەيۋى ۇزاق مەرزىمدى ءۇردىس ەمەس. ءبىرىنشى توقساننىڭ قورىتىندىسىندا دوللار باعامى 478 تەڭگەگە دەيىن تۇسكەنىمەن، ساراپشىلار بۇل دەڭگەيدى ەكونوميكالىق تۇرعىدان نەگىزدەلگەن كورسەتكىشتەن جوعارى باعالانعان كۋرس دەپ ەسەپتەيدى.
ەسەپتە تەڭگەنىڭ نىعايۋىنا بىرنەشە فاكتور اسەر ەتكەنى ايتىلعان. اتاپ ايتقاندا، جوعارى بازالىق مولشەرلەمە، ءبىرىڭعاي جيناقتاۋشى زەينەتاقى قورى ءۇشىن ۆاليۋتا ساتىپ الۋدىڭ توقتاتىلۋى، كۆازيمەملەكەتتىك سەكتور كومپانيالارىنىڭ ۆاليۋتالىق تابىسىن مىندەتتى تۇردە ساتۋى جانە مەملەكەتتىك وبليگاسيالارعا شەتەلدىك كاپيتالدىڭ كەلۋى قولداۋ كورسەتكەن.
سونىمەن قاتار، بيرجادا ناقتى قايدان شىققانى بەلگىسىز ءىرى كولەمدەگى ۆاليۋتا ۇسىنىسى دا بايقالعان.
Halyk Finance ساراپشىلارىنىڭ پىكىرىنشە، الداعى ۋاقىتتا تەڭگەگە قىسىم جاسايتىن نەگىزگى تاۋەكەلدەر قاتارىندا جوعارى ينفلياسيا، ساۋدا ءپروفيسيتىنىڭ ازايۋى، شەتەلدىك ينۆەستورلاردىڭ مەملەكەتتىك وبليگاسيالارعا قىزىعۋشىلىعىنىڭ تومەندەۋى، جاھاندىق نارىقتا دوللاردىڭ كۇشەيۋى جانە قازاقستان رەسپۋبليكاسىنىڭ ۇلتتىق قورى تاراپىنان ۆاليۋتا ساتىلىمىنىڭ قىسقارۋى بار.
