Halyk Finance sarapshylary 2026 jyldyń sońyna qarai teńge baǵamy álsireýi múmkin ekenin málimdedi, dep habarlaidy Dalanews.kz.
Olardyń boljamynsha, jyl sońyna deiin dollar baǵasy 540 teńgege deiin kóterilýi yqtimal.
Mamandardyń aitýynsha, teńgeniń qazirgi kúsheiýi uzaq merzimdi úrdis emes. Birinshi toqsannyń qorytyndysynda dollar baǵamy 478 teńgege deiin túskenimen, sarapshylar bul deńgeidi ekonomikalyq turǵydan negizdelgen kórsetkishten joǵary baǵalanǵan kýrs dep esepteidi.
Esepte teńgeniń nyǵaiýyna birneshe faktor áser etkeni aitylǵan. Atap aitqanda, joǵary bazalyq mólsherleme, Biryńǵai jinaqtaýshy zeinetaqy qory úshin valiýta satyp alýdyń toqtatylýy, kvazimemlekettik sektor kompaniialarynyń valiýtalyq tabysyn mindetti túrde satýy jáne memlekettik obligatsiialarǵa sheteldik kapitaldyń kelýi qoldaý kórsetken.
Sonymen qatar, birjada naqty qaidan shyqqany belgisiz iri kólemdegi valiýta usynysy da baiqalǵan.
Halyk Finance sarapshylarynyń pikirinshe, aldaǵy ýaqytta teńgege qysym jasaityn negizgi táýekelder qatarynda joǵary infliatsiia, saýda profitsitiniń azaiýy, sheteldik investorlardyń memlekettik obligatsiialarǵa qyzyǵýshylyǵynyń tómendeýi, jahandyq naryqta dollardyń kúsheiýi jáne Qazaqstan Respýblikasynyń Ulttyq qory tarapynan valiýta satylymynyń qysqarýy bar.
