نازاربايەۆ كلانى بيلىككە قايتادان كەلۋدى ويلاپ ءجۇر

كوركەم الدابەرگەنوۆا 04 ماۋ. 2024 13:05 5009

قازاقستاندىق ەكونوميست ايدار الىبايەۆ نازاربايەۆ نەمەسە ونىڭ ءوز ادامى بيلىككە كەلۋى مۇمكىن دەگەن پىكىرگە ساراپتاما جاسادى، - دەپ حابارلايدى Dalanews.kz.

ايدار الىبايەۆ تالداۋىن ۆيكتور حراپۋنوۆتىڭ سوڭعى سۇحباتتارىنىڭ بىرىنە سۇيەنىپ جاساعان.

"ۆيكتور حراپۋنوۆ پرەزيدەنت قاسىم-جومارت توقايەۆقا نازاربايەۆ كلانى نەگىزگى ەنەرگەتيكالىق نىسانداردى ءوشىرۋ ارقىلى ەلدەگى جاعدايدى تۇراقسىزداندىرۋى مۇمكىن ەكەنىن ەسكەرتكەندەي بولدى. ونىڭ سوزىنشە، ەسكى قازاقستان ەلدەگى ەنەرگەتيكا سالاسىن باقىلاۋدا ۇستاپ وتىر. مۇنداي جاعدايدا ءبىزدىڭ مەملەكەتتىگىمىزگە ءقاۋىپ ءتونۋى مۇمكىن. بىرنەشە مەديادا نازاربايەۆ كلانى ورالۋى مۇمكىن ەكەنىن، ول ءۇشىن قاجەت رەسۋرستارى دا بارى ايتىلعان. ءبىراق حراپۋنوۆ ەكس-پرەزيدەنت قازىرگى بيلىككە ءقاۋىپ ءتوندىرۋى مۇمكىن تاعى ءبىر سالا تۋرالى ايتىپ وتىر"، - دەيدى ايدار الىبايەۆ.

حراپۋنوۆتىڭ سوزىنشە، ەلدەگى ەلەكتر ستانسيالارىنىڭ ءبارى نازاربايەۆ كلانىنىڭ قولىنا ءوتىپ كەتكەن.

"ەگەر ول پرەزيدەنت توقايەۆتى الىپ تاستاعىسى كەلسە، نازاربايەۆقا ونىڭ قولاستىنداعى ەلەكترستانسيالارىن ءوشىرىپ تاستاۋ تۋرالى بۇيرىق بەرسە جەتكىلىكتى. حراپۋنوۆ وسىنداي بولجام جاساپ وتىر جانە بۇل پىكىرگە قۇلاق اسپاي تاستاۋعا بولمايدى"، - دەيدى الىبايەۆ.

ايدار الىبايەۆ نازاربايەۆتىڭ ءوزى بولماسا دا، وىنڭ اينالاسىنداعىلار بيلىكتى قولعا العىسى كەلەتىنىن ايتادى.

"ونىڭ ىشىندە ەكس-پرەزيدەنتتىڭ وتباسى مۇشەلەرى عانا ەمەس، نازاربايەۆتىڭ ارقاسىندا جوعارى قىزمەتتەر اتقارعاندار دا بار"، - دەيدى الىبايەۆ.


ۇسىنىلعان
سوڭعى جاڭالىقتار