الماتى وبلىسى بالقاش اۋدانىنا قاراستى ارالتٶبە اۋىلىنىڭ تۇرعىندارى ەلدٸ مەكەن ماڭىنداعى جايىلىمدىق جەنە شابىندىق جەردٸڭ جىرتىلىپ جاتقانىنا الاڭداۋشىلىق بٸلدٸردٸ. ولار وبلىس ەكٸمٸ شىڭعىس سايرانۇلىنا ٷندەۋ جاساپ, مەسەلەنٸ باقىلاۋعا الۋدى سۇرادى, دەپ حابارلايدى dalanews.kz.
ەلەۋمەتتٸك جەلٸدە تاراعان ۆيدەودا اۋىل تۇرعىنى جەردٸڭ قىزىل مييا تامىرىن الۋ ٷشٸن قازىلىپ جاتقانىن ايتادى. ونىڭ سٶزٸنشە, جۇمىس ٸلە مەن توپار ٶزەندەرٸنٸڭ ارالىعىندا, سۋ ارنالارىنا جاقىن اۋماقتا جٷرگٸزٸلٸپ جاتىر.
«ٶزٸڭٸز كٶرٸپ تۇرعانداي, بۇل – اۋىلدان شامامەن ەكٸ شاقىرىم جەردەگٸ جايىلىمىمىز. قىزىل مييانىڭ تامىرىن الۋ ٷشٸن جەردٸڭ بەرٸن تٷگەل جىرتىپ جاتىر. بٸر جاعىندا ٸلە ٶزەنٸ, ەكٸنشٸ جاعىندا توپار ٶزەنٸ ورنالاسقان. ٶزەنگە دەيٸنگٸ ارالىق شامامەن ون مەتر عانا», – دەيدٸ تۇرعىن.
اۋىل حالقى اتالعان اۋماقتى بۇعان دەيٸن مال جايۋعا جەنە شٶپ شابۋعا پايدالانعانىن جەتكٸزدٸ. ولاردىڭ ايتۋىنشا, جەردٸڭ ٷستٸڭگٸ قاباتى تەرەڭ قازىلعاندىقتان, كەيٸن بۇل اۋماقتا ٶسٸمدٸك شىقپاي قالۋى مٷمكٸن.
«بٸزدٸڭ جانايقايىمىز – مال باعاتىن جەرٸمٸز قالماي بارادى. وسى جەردەن شٶپ شاۋىپ جٷرگەن ەدٸك, ەندٸ ودان دا ايىرىلدىق. جەردٸڭ بٸر مەترگە جۋىق قاباتىن قازىپ جاتىر. بۇدان كەيٸن مۇندا شٶپ شىقپايدى», – دەدٸ ٷندەۋ اۆتورى.
تۇرعىندار ەكٸ جىل بۇرىن دا ٶزەننٸڭ ارعى بەتٸندەگٸ اۋماقتىڭ جىرتىلعانىن مەلٸمدەدٸ. ول كەزدە جەرگە جوڭىشقا نەمەسە باسقا داقىل ەگٸلەتٸنٸ ايتىلعانىمەن, كەيٸن ەشتەڭە ەگٸلمەگەن. سونىڭ سالدارىنان اۋماق قازٸر شاڭ باسقان بوس جەرگە اينالعانىن ايتادى.
ٷندەۋ اۆتورىنىڭ سٶزٸنشە, اۋىل ٸرگەسٸندەگٸ 180 گەكتار جەر كەزٸندە جالعا بەرٸلٸپ, كەيٸن جەكە مەنشٸككە ٶتٸپ كەتكەن. بۇل جاعدايدان اۋدان جەنە اۋىل ەكٸمدٸكتەرٸ حاباردار.
«اۋدان ەكٸمٸنٸڭ ايتۋىنشا, جەردٸڭ قۇجاتتارى دۇرىس, ول قىزمەتكە كەلگەنگە دەيٸن ساتىلىپ كەتكەن. بٸراق بٸز ەندٸ مالىمىزدى قايدا باعامىز? اۋىل وسى جەردەن نەبەرٸ 2 شاقىرىم 200 مەتر قاشىقتىقتا ورنالاسقان. بٷكٸل ارالتٶبە اۋىلى تۇرعىندارىنىڭ اتىنان وسى مەسەلەگە شارا قولدانىپ, كٶمەكتەسۋلەرٸڭٸزدٸ سۇرايمىز», – دەدٸ ول.
ەزٸرگە بالقاش اۋدانىنىڭ ەكٸمدٸگٸ مەن جەرگە يەلٸك ەتەتٸن تاراپ تۇرعىنداردىڭ شاعىمىنا رەسمي تٷسٸنٸكتەمە بەرگەن جوق. سونداي-اق اۋماقتاعى جۇمىستىڭ زاڭدىلىعى مەن ونىڭ سۋ قورعاۋ ايماعىنا قاتىسى جٶنٸندە قۇزىرلى ورگانداردىڭ قورىتىندىسى جارييالانباعان.
