Qazaqstandyq ekonomıs Aıdar Álibaev Nazarbaev nemese onyń óz adamy bılikke kelýi múmkin degen pikirge saraptama jasady, - dep habarlaıdy Dalanews.kz.

Aıdar Álibaev taldaýyn Vıktor Hrapýnovtyń sońǵy suhbattarynyń birine súıenip jasaǵan.

"Vıktor Hrapýnov prezıdent Qasym-Jomart Toqaevqa Nazarbaev klany negizgi energetıkalyq nysandardy óshirý arqyly eldegi jaǵdaıdy turaqsyzdandyrýy múmkin ekenin eskertkendeı boldy. Onyń sózinshe, eski Qazaqstan eldegi energetıka salasyn baqylaýda ustap otyr. Mundaı jaǵdaıda bizdiń memlekettigimizge qaýip tónýi múmkin. Birneshe medıada Nazarbaev klany oralýy múmkin ekenin, ol úshin qajet resýrstary da bary aıtylǵan. Biraq Hrapýnov eks-prezıdent qazirgi bılikke qaýip tóndirýi múmkin taǵy bir sala týraly aıtyp otyr", - deıdi Aıdar Álibaev.

Hrapýnovtyń sózinshe, eldegi elektr stansıalarynyń bári Nazarbaev klanynyń qolyna ótip ketken.

"Eger ol prezıdent Toqaevty alyp tastaǵysy kelse, Nazarbaevqa onyń qolastyndaǵy elektrstansıalaryn óshirip tastaý týraly buıryq berse jetkilikti. Hrapýnov osyndaı boljam jasap otyr jáne bul pikirge qulaq aspaı tastaýǵa bolmaıdy", - deıdi Álibaev.

Aıdar Álibaev Nazarbaevtyń ózi bolmasa da, oynń aınalasyndaǵylar bılikti qolǵa alǵysy keletinin aıtady.

"Onyń ishinde eks-prezıdenttiń otbasy músheleri ǵana emes, Nazarbaevtyń arqasynda joǵary qyzmetter atqarǵandar da bar", - deıdi Álibaev.