كاسپييدەگٸ قايعىلى وقيعادان كەيٸن اقپاراتتىق مايداندا ٷلكەن بەتبۇرىس ورىن الدى. ساياساتتانۋشى عازيز ەبٸشەۆ العاشقى التى كٷندە قوعامدىق پٸكٸردٸڭ قالاي ٶزگەرگەنٸن ساراپتادى, دەپ حابارلايدى dalanews.kz.
ەبٸشەۆ كاسپييدەگٸ تراگەدييانىڭ ەسكەري جەنە ساياسي سالدارىمەن قاتار, كوممۋنيكاتسييالىق قىرىنا دا نازار اۋداردى.
«24-25 قىركٷيەكتە اقپاراتتىق احۋال الاڭداتارلىق, كەي تۇستا داعدارىستىق سيپاتتا بولدى. قوعامدى قانشا ادامنىڭ قازا تاپقانى, كٸمدەردٸڭ تابىلعانى, ەسكەري قىزمەتشٸلەردٸڭ قايدا ەكەنٸ, وقيعا ورنىندا نە بولىپ جاتقانى, قۇتقارۋشىلار مەن مەملەكەت قانداي ەرەكەت جاساپ جاتقانى قىزىقتىردى. الايدا ەسكەريلەر تيٸستٸ كوممۋنيكاتسييا ورناتا المادى», – دەپ جازدى عازيز ەبٸشەۆ.
ونىڭ پايىمىنشا, 26 قىركٷيەكتە اقپاراتتىق كٷن تەرتٸبٸ بٸرشاما ٶزگەرٸپ, قوعام العاشقى ەموتسييالىق كٷيدەن وقيعانىڭ سەبەپتەرٸ مەن جاۋاپتى تۇلعالاردى انىقتاۋعا كٶشكەن.
«قوعام “نە بولدى?” دەگەن سۇراقتان “بۇل نەلٸكتەن بولدى?”, “كٸم جاۋاپ بەرەدٸ?” جەنە “بۇدان ەرٸ قانداي شارا قابىلدانادى?” دەگەن ساۋالدارعا اۋىسا باستادى», – دەيدٸ ساياساتتانۋشى.
پرەزيدەنت مەلٸمدەمەسٸنەن كەيٸن كٷن تەرتٸبٸ ٶزگەردٸ
عازيز ەبٸشەۆ 27 قىركٷيەكتٸ مەملەكەتتٸك اقپاراتتىق ساياساتتاعى بەتبۇرىس كەزەڭٸ دەپ باعالادى. ونىڭ پٸكٸرٸنشە, بۇعان پرەزيدەنت قاسىم-جومارت توقاەۆتىڭ تراگەديياعا قاتىستى ايتقان پٸكٸرٸ مەن قابىلداعان شەشٸمدەرٸ ەسەر ەتكەن.
مەملەكەت باسشىسى وقيعانى ارميياداعى جٷيەلٸ كەمشٸلٸكتەرمەن بايلانىستىرىپ, قورعانىس مينيسترلٸگٸنٸڭ باسشىلىعىن اۋىستىردى. سونىمەن قاتار ون كٷن ٸشٸندە ەسكەري رەفورمانىڭ ناقتى جوسپارىن ەزٸرلەۋدٸ تاپسىردى.
قويىلعان مٸندەتتەردٸڭ اراسىندا قورعانىس سالاسىنا بٶلٸنەتٸن قاراجاتتىڭ تيٸمدٸلٸگٸن ارتتىرۋ, كادرلاردى ٸرٸكتەۋ تەرتٸبٸن ٶزگەرتۋ, باسقارۋ جٷيەسٸن جاڭعىرتۋ, تسيفرلاندىرۋ, ەسكەري قىزمەتشٸلەردٸڭ كەسٸبي دايارلىعى مەن قاۋٸپسٸزدٸگٸن كٷشەيتۋ مەسەلەلەرٸ بار.
«پرەزيدەنت تراگەديياعا باعا بەرٸپ قانا قويماي, ونى ارميياداعى جٷيەلٸ كەمشٸلٸكتەرمەن بايلانىستىردى. كادرلىق شەشٸم قابىلداپ, ەسكەري رەفورمانىڭ ناقتى جوسپارىن دايىنداۋعا ون كٷن مەرزٸم بەردٸ. وسىدان كەيٸن مەملەكەتتٸك كٷن تەرتٸبٸ ساپالىق تۇرعىدان ٶزگەردٸ», – دەدٸ ول.
ساياساتتانۋشىنىڭ سٶزٸنشە, 28 قىركٷيەكتەن باستاپ رەسمي كوممۋنيكاتسييادا تراگەدييادان كەيٸن مەملەكەت جٷيەلٸ قورىتىندى جاساپ, ارمييانى رەفورمالاۋ تۋرالى شەشٸم قابىلداعانى العا شىعا باستاعان.
بۇل رەتتە عازيز ەبٸشەۆ ۆيتسە-پرەزيدەنتتٸڭ ەلەۋمەتتٸك جەلٸدەگٸ جازباسىن مىسالعا كەلتٸردٸ. وندا زارداپ شەككەندەرگە كٶمەك كٶرسەتۋ, وبەكتيۆتٸ تەرگەۋ جٷرگٸزۋ, كادرلىق شەشٸمدەر قابىلداۋ جەنە ارمييانى رەفورمالاۋ جٶنٸندەگٸ پرەزيدەنت تاپسىرمالارىنىڭ لوگيكاسى تٷسٸندٸرٸلگەن.
ەلەۋمەتتٸك جەلٸدەگٸ پٸكٸرتالاس جالعاسىپ جاتىر
ساراپشىنىڭ ايتۋىنشا, ەلەۋمەتتٸك جەلٸلەردە تراگەديياعا بايلانىستى ٶتكٸر پٸكٸرتالاس ەلٸ دە توقتاعان جوق. دەگەنمەن تالقىلاۋدىڭ مازمۇنى ٶزگەرٸپ, العاشقى ەموتسييالىق كٷي مەملەكەتتٸك ورگاندار مەن جەكەلەگەن قوعام قايراتكەرلەرٸنٸڭ ەرەكەتٸن باعالاۋعا ۇلاسقان.
مىسال رەتٸندە ول بوكسشى جانقوش تۇراروۆتىڭ جاڭا قورعانىس مينيسترٸن قۇتتىقتاعان جازباسىن اتادى. بۇل جارييالانىم Threads قولدانۋشىلارىنىڭ ٶتكٸر سىنىنا ۇشىراعان.
«ەلەۋمەتتٸك جەلٸلەردە ەلٸ دە جەرگٸلٸكتٸ پٸكٸرتالاستار جٷرٸپ جاتىر. بٸراق مۇندا دا العاشقى ەموتسييالىق ەسەڭگٸرەۋدەن مەملەكەت پەن جەكەلەگەن جارييا تۇلعالاردىڭ ەرەكەتٸن باعالاۋعا قاراي بەتبۇرىس بايقالادى», – دەپ جازدى ساياساتتانۋشى.
بيلٸك قورعانىس پوزيتسيياسىنان شىقتى
عازيز ەبٸشەۆتٸڭ باعالاۋىنشا, تراگەدييا بولعان العاشقى كٷنٸ مەملەكەت نەگٸزٸنەن جەدەل ەرەكەت ەتۋگە باسىمدىق بەرگەن. ال 29 قىركٷيەككە قاراي رەسمي ورگاندار قوعامعا ۇسىناتىن ناقتى شەشٸمدەر مەن اتقارىلعان جۇمىستاردىڭ اۋقىمىن كەڭەيتكەن.
ٸزدەۋ وپەراتسيياسى اياقتالىپ, تراگەدييانىڭ تولىق اۋقىمى انىقتالدى. قازا تاپقانداردىڭ وتباسىلارىنا مەملەكەتتٸك كٶمەك كٶرسەتٸلٸپ, كٷدٸكتٸلەر ۇستالدى جەنە قىلمىستىق تەرگەۋ جالعاسىپ جاتىر. پرەزيدەنت وقيعاعا جارييا تٷردە باعا بەرٸپ, كادرلىق شەشٸمدەر قابىلدادى, جاڭا قورعانىس مينيسترٸن تاعايىندادى.
سونىمەن بٸرگە قورعانىس مينيسترلٸگٸندە كەشەندٸ تەكسەرۋ باستالىپ, ەسكەري رەفورما جٷرگٸزۋدٸڭ نەگٸزگٸ باعىتتارى بەلگٸلەندٸ.
«مەملەكەت قازٸر 24-25 قىركٷيەكتەگٸدەي قورعانىس پوزيتسيياسىندا تۇرعان جوق. پرەزيدەنتتٸڭ 27 قىركٷيەكتەگٸ شەشٸمدەرٸنەن كەيٸن بيلٸك اقپاراتتىق كەڭٸستٸكتە ەلەۋلٸ باستاماعا يە بولدى», – دەيدٸ ساراپشى.
ونىڭ پٸكٸرٸنشە, قابىلدانعان شارالار بيلٸككە رەسمي رەاكتسييانىڭ مازمۇنىن ايقىنداپ, قوعامنىڭ وقيعانى قابىلداۋىنا ىقپال ەتۋگە مٷمكٸندٸك بەردٸ. الايدا بۇل باستامانى ساقتاپ قالۋ ٷشٸن پرەزيدەنت تاپسىرمالارىنىڭ ورىندالۋ بارىسى اشىق كٶرسەتٸلۋگە تيٸس.
«اقورداعا ەندٸ بۇل باستامانى ساقتاپ, ونى رەفورمانىڭ نەتيجەسٸ تۋرالى ورنىقتى قوعامدىق تٷسٸنٸككە اينالدىرۋ مٸندەتٸ تۇر. مەملەكەتتٸك ورگاندار كەسٸبي قابٸلەتٸن پرەزيدەنت تاپسىرمالارىنىڭ قالاي ورىندالىپ جاتقانىن قوعامعا كٶرسەتۋ ارقىلى دەلەلدەۋٸ كەرەك. سوندا مەملەكەت قوعامدىق كٷن تەرتٸبٸن قالىپتاستىرۋمەن شەكتەلمەي, حالىقتىڭ سەنٸمٸن دە ارتتىرا الادى», – دەپ قورىتىندىلادى عازيز ەبٸشەۆ.
