شىعىس قازاقستان وبلىسىندا زايسان كٶلٸنە بالىق اۋلاۋعا شىعىپ, ٸز-تٷزسٸز جوعالعان ەكٸ ەر ادامنىڭ دەنەسٸ تابىلدى, دەپ حابارلايدى dalanews.kz.
تجم مەلٸمەتٸنشە, 22 قىركٷيەكتە كٷرشٸم اۋدانى بالىقشى اۋىلدىق وكرۋگٸنٸڭ اۋماعىندا 1979 جەنە 2001 جىلى تۋعان ەكٸ ازامات كٶلگە بالىق اۋلاۋعا شىعىپ, قايتا ورالماعان.
وسىدان كەيٸن قۇتقارۋشىلار ٸزدەستٸرۋ جۇمىستارىن باستاعان. وعان جەرگٸلٸكتٸ تۇرعىندار دا ٶز قايىقتارىمەن قاتىسقان.
ٸزدەۋدٸڭ العاشقى كٷنٸ جاعالاۋدان 3–4 شاقىرىم قاشىقتىقتا سۋعا باتقان قايىق تابىلعان. ال 29 قىركٷيەكتە جەرگٸلٸكتٸ تۇرعىندار 2001 جىلى تۋعان ەر ادامنىڭ دەنەسٸن انىقتادى.
30 قىركٷيەكتە قۇتقارۋشىلار 1979 جىلى تۋعان ەكٸنشٸ ەر ادامنىڭ دەنەسٸن سۋدان الىپ شىقتى.
ٸزدەستٸرۋ بارىسىندا تجم قىزمەتكەرلەرٸ 63 رەت سٷڭگۋ جۇمىستارىن جٷرگٸزگەن. سونىمەن قاتار جاعالاۋ مەن كٶل اكۆاتوريياسى تەكسەرٸلٸپ, ۇشقىشسىز ۇشۋ اپپاراتتارى پايدالانىلعان.
قۇتقارۋشىلاردىڭ جۇمىسىنا قولايسىز اۋا رايى, قاتتى جەل, كٶلدەگٸ تولقىن جەنە ٸزدەۋ اۋماعىنىڭ ٷلكەن بولۋى كەدەرگٸ كەلتٸرگەن.
