Shyǵys Qazaqstan oblysynda Zaisan kóline balyq aýlaýǵa shyǵyp, iz-túzsiz joǵalǵan eki er adamnyń denesi tabyldy, dep habarlaidy dalanews.kz.
TJM málimetinshe, 22 qyrkúiekte Kúrshim aýdany Balyqshy aýyldyq okrýginiń aýmaǵynda 1979 jáne 2001 jyly týǵan eki azamat kólge balyq aýlaýǵa shyǵyp, qaita oralmaǵan.
Osydan keiin qutqarýshylar izdestirý jumystaryn bastaǵan. Oǵan jergilikti turǵyndar da óz qaiyqtarymen qatysqan.
Izdeýdiń alǵashqy kúni jaǵalaýdan 3–4 shaqyrym qashyqtyqta sýǵa batqan qaiyq tabylǵan. Al 29 qyrkúiekte jergilikti turǵyndar 2001 jyly týǵan er adamnyń denesin anyqtady.
30 qyrkúiekte qutqarýshylar 1979 jyly týǵan ekinshi er adamnyń denesin sýdan alyp shyqty.
Izdestirý barysynda TJM qyzmetkerleri 63 ret súńgý jumystaryn júrgizgen. Sonymen qatar jaǵalaý men kól akvatoriiasy tekserilip, ushqyshsyz ushý apparattary paidalanylǵan.
Qutqarýshylardyń jumysyna qolaisyz aýa raiy, qatty jel, kóldegi tolqyn jáne izdeý aýmaǵynyń úlken bolýy kedergi keltirgen.
