قازاقستاندىق بلوگەر ەرٸ ۆيدەوگراف داستان مۇحامەدراحىم WIBA Awards 2026 حالىقارالىق سىيلىعىن جەڭٸپ الىپ, ەلەمدەگٸ ٷزدٸك ترەۆەل بلوگەر اتاندى, دەپ حابارلايدى dalanews.kz.
ماراپاتتاۋ رەسٸمٸ فرانتسييادا كانن كينوفەستيۆالٸ اياسىندا ٶتتٸ. داستان مۇحامەدراحىم جەڭٸسٸ تۋرالى ەلەۋمەتتٸك جەلٸدەگٸ پاراقشاسىندا جازىپ, ماراپات تابىستالعان سەتتٸڭ ۆيدەوسىن جارييالادى. ونىڭ ەسٸمٸ ەلەمگە تانىمال ينفليۋەنسەرلەرمەن قاتار اتالدى.
WIBA Awards سىيلىعى بلوگەرلەر مەن digital جوبالار اراسىنداعى "وسكار" رەتٸندە دە جيٸ ايتىلادى.
داستان مۇحامەدراحىم كٶپشٸلٸككە قازاقستان مەن ٶزگە ەلدەر تۋرالى ۆيدەولارى ارقىلى تانىلدى. ول ٶز جۇمىستارىندا تابيعات, قالا مەن مەدەنيەتتٸ درون جەنە كامەرا كٶمەگٸمەن كينو ستيلٸندە تٷسٸرەدٸ.
بلوگەردٸ ايتۋلى جەڭٸسٸمەن وقىرماندارى, ەرٸپتەستەرٸ, بيلٸك ٶكٸلدەرٸ قۇتتىقتادى. تۋريزم جەنە سپورت مينيسترٸ ەربول مىرزابوسىنوۆ بۇل ماراپاتتى داستاننىڭ كٶپجىلدىق ەڭبەگٸ مەن قازاقستاندى شەتەلدە تانىتۋعا قوسقان ٷلەسٸنٸڭ نەتيجەسٸ دەپ باعالادى.
مينيستردٸڭ سٶزٸنشە, بلوگەردٸڭ ۆيدەولارى ارقىلى ميلليونداعان ادام ەلٸمٸزدٸڭ تابيعاتى, مەدەنيەتٸ جەنە تۋريستٸك ورىندارى تۋرالى بٸلەدٸ.
قازٸر بلوگەردٸڭ Instagram پاراقشاسىنا شامامەن 1,7 ميلليون ادام جازىلعان. ول جەلٸدە تانىمال بولعانعا دەيٸن قازاق تٸلٸ مەن ەدەبيەتٸ پەنٸنٸڭ مۇعالٸمٸ بولىپ جۇمىس ٸستەگەن. ۋنيۆەرسيتەتتٸ تەمامداعاننان كەيٸن سەمەيدەگٸ ليتسەيدە ساباق بەرٸپ, كەيٸن وقۋ ورنىنىڭ Instagram پاراقشاسىن جٷرگٸزە باستاعان.
بۇعان دەيٸن 600 ملن وقىرمانى بار Instagram-نىڭ رەسمي پاراقشاسى قازاقستان تۋرالى ۆيدەو جارييالادى. بۇل داستان مۇحامەدراحىمنىڭ ۆيدەوسى ەدٸ. كەيٸنٸرەك تٷركييالىق اتاقتى ەۋەكومپانييانىڭ Instagram پاراقشاسىندا دا قازاقستاندىق ساياحاتشىنىڭ ۆيدەوسى جارييالاندى.
جۋىردا گولليۆۋد جۇلدىزى توم حوللاند تانىمال ۆيدەوگراف, بلوگەر داستان مۇحامەدراحىمعا "ٶرمەكشٸ ادام" ترەيلەرٸنٸڭ بٸر بٶلٸگٸنە قاتىسقانى ٷشٸن العىس ايتتى.
