موسبيرجا قازاقستان قور بيرجاسى (KASE) اكسيونەرلەرى قۇرامىنان شىعاتىن بولدى. بۇل تۋرالى 11 قازاندا وتكەن بريفينگ بارىسىندا ۇلتتىق بانك ءتوراعاسى تيمۋر سۇلەيمەنوۆ ايتتى، دەپ حابارلايدى Dalanews.kz.
"موسبيرجا KASE اكسيونەرلەرىنىڭ قۇرامىنان شىعادى دەگەن شەشىم قابىلداندى جانە ونى موسبيرجاداعى ارىپتەستەر قولدادى. مەن مۇنى دۇرىس قابىلدانعان كاسىبي شەشىم دەپ ايتار ەدىم"، - دەدى تيمۋر سۇلەيمەنوۆ
سونداي-اق ول بۇل شەشىم سەرىكتەستىك نەگىزىندە قابىلدانعانىن ايتتى.
"شىنىندا دا، بۇگىنگى تاڭدا KASE - بۇل جەكە اكسيونەرلىك قوعام. مەنىڭ ويىمشا، ءبىزدىڭ ونداعى ۇلەسىمىز 46 نەمەسە 47% بولادى، ياعني ولاردىڭ اتىنان ءسوز الۋعا مەنىڭ قۇقىعىم جوق. مەن ماجوريتارلى اكسيونەر ەمەسپىن، ءبىراق، سونىمەن قاتار ەڭ باستىسى دا ەمەسپىن"، - دەدى ول.
KASE اكسيالارىن ساتىپ الۋ بويىنشا كەلىسسوزدەر 2024 جىلدىڭ ماۋسىمىندا، موسبيرجا سانكسياعا ۇشىراعاننان كەيىن باستالدى. موسبيرجا KASE اكسياسىنىڭ 13،1%-ىنا يە، ال وزگە اكسيونەرلەر قاتارىندا ق ر ۇلتتىق بانكى (46،9%)، Halyk Group (9،3%)، "كوممەسك-ومىر" (7،6%) دە بار.
