Mosbırja Qazaqstan qor bırjasy (KASE) aksıonerleri quramynan shyǵatyn boldy. Bul týraly 11 qazanda ótken brıfıń barysynda Ulttyq bank tóraǵasy Tımýr Súleımenov aıtty, dep habarlaıdy Dalanews.kz.
"Mosbırja KASE aksıonerleriniń quramynan shyǵady degen sheshim qabyldandy jáne ony Mosbırjadaǵy áriptester qoldady. Men muny durys qabyldanǵan kásibı sheshim dep aıtar edim", - dedi Tımýr Súleımenov
Sondaı-aq ol bul sheshim seriktestik negizinde qabyldanǵanyn aıtty.
"Shynynda da, búgingi tańda KASE - bul jeke aksıonerlik qoǵam. Meniń oıymsha, bizdiń ondaǵy úlesimiz 46 nemese 47% bolady, ıaǵnı olardyń atynan sóz alýǵa meniń quqyǵym joq. Men majorıtarly aksıoner emespin, biraq, sonymen qatar eń bastysy da emespin", - dedi ol.
KASE aksıalaryn satyp alý boıynsha kelissózder 2024 jyldyń maýsymynda, Mosbırja sanksıaǵa ushyraǵannan keıin bastaldy. Mosbırja KASE aksıasynyń 13,1%-yna ıe, al ózge aksıonerler qatarynda QR Ulttyq banki (46,9%), Halyk Group (9,3%), "Kómmesk-Ómir" (7,6%) de bar.
