Ulttyq bank eldegi alǵashqy kriptoaiyrbastaý pýnktiniń qyzmetine litsenziia berdi. Litsenziiany Pax Finance kompaniiasy aldy, dep habarlaidy dalanews.kz.
Litsenziia kompaniiaǵa kriptovaliýtany zańdy túrde satyp alý, satý jáne saqtaý qyzmetin kórsetýge, sondai-aq, bólimsheler ashyp, kriptomattar ornatýǵa múmkindik beredi.
Tsifrlyq aktivter naryǵyna qatysýshylardy litsenziialaý tártibi Qazaqstanda 2026 jylǵy 1 mamyrdan bastap qoldanysqa engizilgen edi.
Buǵan deiin Memleket basshysy Qasym-Jomart Toqaev kriptovaliýta arqyly kapitaldy zańsyz shyǵarýǵa qarsy kúresti kúsheitýdi tapsyrǵan bolatyn. Jyl basynan beri elde jalpy ainalymy shamamen 127 million AQSh dollary bolatyn 130-dan asa zańsyz kriptoaiyrbastaý pýnktiniń qyzmeti toqtatylyp, tergeý aiasynda quny 5,3 million dollar bolatyn múlikke tyiym salynǵan.
