كەلدٸ دە, وتىردى. زال لىق تولى, اۋزى-مۇرنىنان شىعادى.
كونتسەرت باستالۋعا شامامەن 10 مينۋت قالعان بولار. مٸنە, وسى سەتتە زاۋەر مەن مەركەل كٸرٸپ كەلدٸ. تٶرگە شىققان جوق, ەل قۇساقتى سەل شەتكەرٸرەك ورنالاسقان ورىنعا جايعاستى. مەركەلمەن كٶرشٸ وتىرعان بٸر ەجەي, كانتسلەرگە قارادى دا, ساسىپ قالعان بولۋى كەرەك: «كەشٸرٸڭٸز, سٸز فراۋ مەركەلسٸز بە?» – دەپ سۇرادى.
ول سەل جىميدى دا: «سەلدەن سوڭ رويالدٸڭ وينايتىنىنا قانشالىقتى سەنٸمدٸ بولساڭىز, مەنٸڭ مەركەل ەكەنٸمە دە سونشالىقتى سەنۋگە بولادى", - دەدٸ.
ەجەي كٷلٸپ جٸبەردٸ. «كەشٸرٸڭٸز, سٸزگە ٷنەمٸ قوياتىن قيسىنسىز سۇراقتاردى قايتالاپ, مازاڭىزدى المايىن».
ال بٸز بەرٸن ەستٸپ وتىرمىز. باقىتىمىزعا قاراي بٸز دە مەركەلگە جاقىن ورنالاسقان ەدٸك.
كونتسەرت باستالدى. اياقتالدى. شىمىلدىق جابىلعاننان كەيٸن ەلگٸ ەجەي تاعى دا سۇراق قويدى.
– قالاي, سٸزگە ۇنادى ما, مەركەل حانىم?
– سٸز مۇنداي ەن كەشتەرٸنە مەنەن قاراعاندا جيٸ كەلەتٸن سيياقتىسىز. سوندىقتان مۇنى الدىمەن سٸزدەن سۇراۋ كەرەك سيياقتى. ٶز باسىم بۇل سالانىڭ مامانى ەمەسپٸن. بٸراق, تىڭداۋشى رەتٸندە كونتسەرت كٶڭٸلٸمنەن شىقتى.
ەجەيمەن از-كەم ەڭگٸمەلەسكەن كانتسلەر قوش ايتىستى. ايتپاقشى, كانتسلەردٸڭ جانىندا قاۋعاداي ساقالى بار, تٷرٸ نەمٸسكە تٸپتەن كەلمەيتٸن بٸرەۋ وتىردى. ٸشتەي «اۋعانستاننان كەلگەن بولار» دەپ بولجادىم. ول ٷن قاتقان جوق. بٸراق, كونتسەرتتٸڭ باسىنان-اياعىنا دەيٸن مەركەلدەن كٶز المادى.
فويەگە شىققان سەتتە بٸرنەشە ادام كانتسلەرمەن سۋرەتكە تٷسكٸسٸ كەلدٸ. تٷستٸ. ەرقايسىسى كەزەگٸن كٷتتٸ.
بۇدان كەيٸن كانتسلەر سىرتقا شىقتى. سىرتتا ونى تٷسٸ دە, تەرەزەلەرٸ دە قارا ەكٸ بمۆ كٶلٸگٸ كٷتٸپ تۇر ەكەن. باقسام, نٶمٸرلەرٸ دە قاراپايىم, تٸپتٸ ەلشٸلٸكتٸڭ دە نٶمٸرٸ ەمەس. مەركەل جولداسى ەكەۋٸ بۇلاردىڭ بٸرەۋٸنە وتىرىپ كەتٸپ قالدى. ولار ورنىنان جىلجىعان سەتتە جولدىڭ ارعى جاعىندا پوليتسييا كٶلٸگٸ (وپەل-استرا) دە ارتتارىنان جٷردٸ.
«ميگالكاسىن» قوسقان دا جوق. ٷن-تٷنسٸز كەتتٸ. كٶرٸپ تۇردىق, كانتسلەردٸڭ «كورتەجٸ» كەلەسٸ باعدارشامدا قىزىلعا توقتادى. جاسىل جانعاننان كەيٸن ەرٸ قاراي جٷرٸپ كەتتٸ. تىپ-تىنىش. ەلگٸ كٶلٸكتٸڭ ٸشٸندە گەرمانييا كانتسلەرٸ كەتٸپ بارادى دەپ ويلامايسىڭ دا...
يە, تاڭعالارلىق تٷك جوق. مۇنىڭ اتى – قاراپايىمدىلىق. تاڭعالاتىنىم, ول ەلٸ كٷنگە دەيٸن قالاي تٸرٸ جٷر? جوق, راس.
بۇل كٸسٸ بٷتٸن بٸر ەلدٸڭ باسشىسى. جاڭا كونتسەرتتە وتىرعاندا بٸرەۋ كەلٸپ اتىپ, باۋىزداپ, تٸپتٸ بولماسا تٸستەپ السا قايتەر ەدٸ? جانىندا, نە كونتسەرت زالىندا, نە دەلٸزدە بٸردە-بٸر وققاعار جوق. كانتسلەر كەلدٸ ەكەن دەپ الاشاپقىن بولعان ادامدى كٶرمەدٸم.
ايتپاقشى, ايتۋدى ۇمىتىپ بارامىن. قىزىق بولدى. كونتسەرتتٸڭ بەل ورتاسىندا مەركەلدٸڭ تەلەفونى شىلدىرلادى. تەلەفوندى سٶمكەسٸنەن شىعارىپ العانى سول ەدٸ, كٷيەۋٸ تارتىپ الدى. قالتاسىنا سالا سالدى دا, اشۋلى تٷرٸمەن ەيەلٸنٸڭ قۇلاعىنا ەلدەنە دەپ سىبىرلادى...
سونىمەن, مەركەل قالاي تٸرٸ جٷر? مۇنىڭ ٷش سەبەبٸ بار, بٸزدٸڭشە.
بٸرٸنشٸدەن, كەز كەلگەن تەراكت الدىن الا جوسپارلانادى. مەركەلدٸڭ ەلگٸ كونتسەرتكە كەلەتٸنٸن اينالاسىنان باسقا ەشكٸم بٸلگەن جوق. بۇل – قاۋٸپتٸ سەيٸلتەتٸن سەبەپ.
ەكٸنشٸ, كەيبٸر پرەزيدەنتتەر, ناقتىراق ايتقاندا ديكتاتورلارعا قاراعاندا مەركەل قاراپايىم كيٸنەدٸ, ەلدٸڭ نازارىن ٶزٸنە اۋدارتپاۋعا تىرىسادى.
ٷشٸنشٸدەن, ول ەدٸل, دەموكراتييالىق جولمەن سايلانعان ساياساتكەر. دەمەك, الدى دا, ارتى دا تازا. ال مۇنداي باسشىلاردىڭ كەز كەلگەن اۆتوريتارلى كٶسەممەن سالىستىرعاندا دۇشپانى از, تٸپتەن جوق. سوندىقتان دا ول ٶز حالقىنان قورىقپايدى. سايىپ كەلگەندە, ەلگٸ كونتسەرتتە مەركەلدٸ كٶرە سالا «تيرانيياعا توقتاۋ سالامىن» دەيتٸن ادام دا اتىمەن بولمايدى.
ول جۋرناليستەردٸڭ ساۋالىنا ەردايىم اشىق, شىن جاۋاپ بەرەدٸ. ونى كٶرگەندە كەيبٸرەۋلەر «بۇل مٷمكٸندٸكتٸ پايدالانىپ قاي شەنەۋنٸكتەن قانداي جەبٸر كٶرگەنٸمٸزدٸ ايتىپ قالايىق» دەپ اسىقپايدى.
مەركەلگە كەز كەلگەن ديكتاتور قىزىعا ەرٸ قىزعانا قارايدى. ولار ەردايىم قاپتاعان وققاعاردىڭ ورتاسىندا, قابىرعاسىن كٶك تٸرەگەن قامالدىڭ ٸشٸندە تۇرادى. ديكتاتورلار ٶز حالقىنان قورقادى. ٶز حالقىنا سەنبەيدٸ. مۇنىڭ بٸرنەشە سەبەبٸ بار. ونى ٶزٸڭٸز دە جاقسى بٸلەسٸز...
اۋدارعان دۋمان بىقاي
