باس قۇجاتتىڭ اياسىندا تاراپتار وكىلەتتىك شەڭبەرىندە ءدىني قىزمەت سالاسىندا ءوزارا ارەكەتتەسە وتىرىپ، مەموراندۋمدا كوزدەلگەن شارالاردى بىرلەسىپ ىسكە اسىراتىن بولادى.
تاياۋ بولاشاقتا ەكى جاق بەيبىتشىلىكتى جانە كونفەسسياارالىق كەلىسىمدى ناسيحاتتاۋعا، ءدىني ەكسترەميزم جانە تەرروريزمگە قارسى باعىتتالعان ءىس-شارالار وتكىزىپ، عىلىمي-مەتوديكالىق سەمينارلاردا، پراكتيكالىق كونفەرەنسيالارمەن قاتار وسى سالاداعى بىلىمدەرى مەن تاجىريبەلەرىمەن بولىسەدى.
سونداي-اق، الماتى وبلىسىنىڭ تۇرعىندارىن راديكالدى اعىمداردىڭ ىقپالىنان ساقتاندىرۋ اياسىندا بىرلەسكەن ءاقپاراتتىق-تۇسىندىرۋ جۇمىستارىن جۇرگىزىپ، ءدىني قىزمەت سالاسىنداعى وزەكتى ماسەلەلەر تۋرالى ادىستەمە-انىقتامالىق ماتەريالداردى بىرىگىپ ازىرلەۋگە قۇلىق تانىتىپ وتىر.
مەموراندۋمداعى كەلەسى ءبىر باعىت – ينتەرنەت كەڭىستىگىندەگى دەسترۋكتيۆتى كونتەنتتەردىڭ تارالۋ اياسىن شەكتەۋ. وسىنىڭ توڭىرەگىندە تالداۋ، مونيتورينگ جۇمىستارىن قولعا الىنىپ، الەۋمەتتىك جەلىلەردە قارسىناسيحاتتىق شارالار جۇيەلى تۇردە ىسكە اسپاق.
قوس تاراپتىڭ ۋاعدالاستىعىنىڭ شەڭبەرىندە الماتى وبلىسى «ءدىن سالاسىنداعى ماسەلەلەردى زەرتتەۋ ورتالىعى» كمم ورتالىق ماماندارى مەن ءتيىستى ازاماتتاردىڭ (قمدب وكىلدەرىن) ىس-تاجىريبەدەن وتۋىنە مۇمكىندىك تۋعىزۋى قاجەت. مۇنىمەن قوسا، ايماقتا ءدىني ۇيىمداردىڭ جۇمىسى جايلى زەرتتەۋ جانە ءدىني احۋالعا اناليز جۇرگىزۋدى قامتاماسىز ەتەتىن بولادى، ءتىپتى جاستار اراسىندا مەتوديكالىق جۇمىس جۇرگىزۋ ءتاسىلىن جەتىلدىرۋگە ىقپال ەتپەك.
– ءبىزدىڭ ورتالىق وڭىرلىك ءاقپاراتتىق-تۇسىندىرۋ توپتارىنا اكادەميا تاراپىنان كورسەتىلەتىن جۇمىستارعا ءتيىستى ادىستەمەلىك قولداۋ كورسەتەدى جانە ورتالىق تاراپىنان ۇيىمداستىرىلاتىن ءتۇرلى ءىس-شارالارعا اكادەميا قىزمەتكەرلەرىنىڭ قاتىسۋىن قامتاماسىز ەتەمىز، – دەپ اتاپ ءوتتى ءدىن سالاسىنداعى ماسەلەلەردى زەرتتەۋ ورتالىعىنىڭ ديرەكتورى ساعىنىش جاڭاباي.
ايتا كەتەيىك، ەكى تاراپ بۇل مەموراندۋمدا كورسەتىلگەن سۇراقتار بويىنشا ءوزارا قارىم-قاتىناستى وزدەرىنە بەكىتىلگەن ۋاكىلەتتى وكىل ارقىلى جاسايدى، تۋىنداعان سۇراقتار جانە بىرىككەن ءىس-شارالار وتكىزۋ ماسەلەسى تاراپتارمەن تابىستالعان. بۇل مەموراندۋمعا ەنگىزىلەتىن بارلىق وزگەرىستەر مەن تولىقتىرۋلار جازباشا تۇردە جانە تاراپتار كەلىسىمىمەن جۇزەگە اسادى.
